Advertidos erros na mencionada resolución, publicada no Diario Oficial de Galicia nº 227, do 24 de novembro de 1999, cómpre face-las oportunas correccións:
-Na páxina 7.862, segunda columna, novena liña, onde di: «... Lei 13/1995, da LCAP», debe dicir: «... Lei 13/1995, do 18 de maio, de contratos das administracións públicas (LCAP)».
-Na mesma páxina, segunda columna décimo segunda liña, onde di: «Os licitadores deberán xustifica-la súa solvencia económico-financeira de conformidade co artigo 16.1º a) e c) da LCAP, por calquera dos seguintes medios: informe de institucións financeiras ou declaración relativa á cifra de negocios global e das obras, subministracións, servicios ou traballos realizados no curso dos tres últimos exercicios. Así mesmo, a solvencia técnica e profesional acreditarase conforme o artigo 18 b) e e) da mesma lei mediante calquera dos seguintes medios: unha relación das principais subministracións realizadas nos últimos tres anos que inclúan importes, datas e beneficiarios públicos ou privados deles, ou ben mediante unha declaración do material, instalacións e equipo técnico de que dispoña o empresario para a realización do contrato», debe
dicir: «Os licitadores deberán xustifica-la solvencia económica financeira por algún dos seguintes medios: a) informe de institucións financeiras ou b) declaración relativa á cifra de negocios global e dos servicios ou traballos realizados no curso dos tres últimos exercicios, de conformidade co artigo 16.1 a) e c) da LCAP. Así mesmo, a solvencia técnica e profesional acreditarase por algún dos medios seguintes: a) unha relación dos principais servicios ou traballos realizados nos últimos tres anos que inclúa importe, datas e beneficiarios públicos ou privados destes ou b) unha declaración do material, instalacións e equipo técnico de que dispoña o empresario para a realización do contrato, de conformidade co Art. 19 b) e e) da mesma lei».