O Consello da Xerencia Municipal de Urbanismo, en sesión do día 7 de outubro de 1999, acordou aprobar inicialmente a modificación do estudio de detalle de ordenación de volumes e espacios libres das parcelas C, H e L do polígono 42 do PERI do Calvario, aprobado polo Concello Pleno con data do 28 de decembro de 1998, conforme a documentación presentada pola xunta de compensación do polígono, redactada polo arquitecto José A. Martín Curty, con data de visado polo COAG do 24 de xuño de 1999.

Sométese a información pública polo prazo dun mes, mediante inserción de anuncios no DOG e nun xornal dos de maior circulación da provincia e no taboleiro da casa do concello, significando que o prazo de exposición ó público se entenderá aberto desde a primeira publicación ata o remate do mes, contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da casa do concello.

O presente anuncio servirá de notificación nos termos do artigo 59.4º da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 28 de outubro de 1999.

Lois Pérez Castrillo

Alcalde-presidente da Xerencia Municipal

de Urbanismo