De conformidade co disposto no artigo 59.4º da Lei 30/1992, de réxime xurídico das administracións públicas e do procedemento administrativo común, modificada por Lei 4/1999, resolve notificar a Ángel Adolfo Vicente González, funcionario da escala de axentes forestais do corpo de auxiliares técnicos da Xunta de Galicia, por non se conseguir practica-la notificación persoal da Resolución do 5 de novembro de 1999, que de seguido se reproduce:
«Vista a solicitude que formula a instructora do expediente disciplinario incoado a Ángel Adolfo Vicente González en virtude de Resolución do 17 de marzo de 1999, por inasistencia ó seu posto de traballo na que se acredita a imposibilidade de incumpri-los prazos de tramitación do dito expediente pola paralización sufrida desde o 29 de setembro, en que se intenta darlle vista do expediente ó expedientado infructuosamente, véndose na obriga de intenta-la notificación mediante a publicación
no Diario Oficial de Galicia actualmente en trámite; fanse as seguintes consideracións:
1. O expedientado ó longo da tramitación do expediente procurou en todo momento dilata-los prazos dos distintos trámites do procedemento recollendo as notificacións remitidas con aviso de recibo no último día do prazo establecido para ese efecto, o que acredita a súa vontade de entorpece-la tramitación do expediente tal e como se desprende da información en tal sentido que emite a instructora do expediente.
2. Por publicación no Diario Oficial de Galicia do 3 de agosto de 1999, notificóuselle ó expedientado a Resolución do 6 de maio de 1999, pola que se acordou a suspensión provisional das súas funcións durante a tramitación do expediente disciplinario incoado por Resolución do 17 de marzo de 1999.
3. A suspensión acordouse, de conformidade co disposto no artigo 20.2º do Decreto 94/1991, polo que se aproba o Regulamento de réxime disciplinario dos funcionarios da Comunidade Autónoma de Galicia, nos termos e cos efectos sinalados nos artigos 47, 48 e 49.2º e 3º da Lei de funcionarios civís do Estado.
4. O artigo 49.2º da Lei de funcionarios civís do Estado establece que: «o tempo de suspensión provisional, como consecuencia de expediente disciplinario, non poderá exceder de seis meses, salvo no caso de paralización do procedemento imputable ó interesado. A concorrencia desta circunstancia determinará a perda de toda retribución ata que o expediente sexa resolto».
5. A continua actividade entorpecedora por parte do expedientado culmina coa non constancia da recepción da notificación do 29 de setembro de 1999, pola que se lle ofrece o trámite de vista do expediente, previo á formulación da proposta de resolución, polo que desde a dita data debe considerarse paralizado o expediente, sendo imputada a dita paralización ó interesado.
6. O artigo 44.2º, parágrafo segundo da Lei 30/1992, modificada pola Lei 4/1999 establece que: «nos supostos en que o procedemento se paralizase por causa imputable ó interesado, interromperase o cómputo do prazo para resolver e notifica-la resolución».
Na súa virtude, esta consellería resolve, á vista da paralización do expediente sancionador incoado a Ángel Adolfo Vicente González, mante-la suspensión provisional de funcións acordada o 6 de maio de 1999, ata que sexa resolto o expediente, coa perda de toda retribución, téndose por interrompido o cómputo no prazo para resolver e notifica-la resolución.
Notifíqueselle ó interesado, facéndolle saber que contra esta resolución, que pon fin á vía administrativa, cabe interpoñer recurso de reposición potestativamente ante o conselleiro de Medio Ambiente, no prazo dun mes contado desde o día seguinte ó da súa notificación, ou ben directamente recurso
contencioso administrativo, no prazo de dous meses contado desde o día seguinte ó da súa notificación, ante o xulgado do contencioso-administrativo correspondente ó seu domicilio ou o de Santiago de Compostela, de conformidade co disposto na Lei 30/1992, de réxime xurídico das administracións públicas e do procedemento administrativo común, modificada pola Lei 4/1999 e a Lei 29/1998, reguladora da xurisdición contencioso-administrativa».
Santiago de Compostela, 19 de novembro de 1999.
José Luis Aboal García-Tuñón
Secretario xeral da Consellería de Medio Ambiente
ANEXO I
Interesado: Ángel Adolfo Vicente González.
DNI: 11.715.750 X.
Último enderezo coñecido: Agro da Magdalena, 1-2º D. O Milladoiro-Ames (A Coruña).
Notificación do mantemento da suspensión provisional acordada o 6 de maio de 1999.