Dando cumprimento ó previsto no artigo 4 da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia en materia de persoal e contratación, a sociedade Xenética Fontao, S.A. anuncia a convocatoria de proceso selectivo para a contratación laboral fixa das tres seguintes prazas pertencentes ó seu cadro de persoal: 1 veterinario/a, 1 auxiliar de laboratorio e 1 limpador/a.
Os ditos postos terán as seguintes funcións principais.
-Veterinario/a: control sanitario dos animais; control dos medios de producción do centro e da calidade do seme; manexo, control e mantemento do banco de seme e das instalacións do centro; control informático das produccións e saídas do seme; e apoio
directo ó director de producción, subsituíndo a este no caso de ausencia ou enfermidade.
-Auxiliar de laboratorio: preparación do seme para envasado; rotulación e envasado de palletas de seme; saídas do banco de seme; informatización e control de datos de producción e saídas de seme; coidado do banco de seme; funcións administrativas auxiliares do centro; así como as encomendadas polo director de producción.
-Limpador/a: limpeza e mantemento xeral do edificio principal e demais dependencias do centro, tanto interiores como exteriores; limpeza do material de laboratorio, así como as encomendadas polo director de producción.
O proceso selectivo axustarase ás seguintes bases de convocatoria:
I. Requisitos dos aspirantes: I.1. Veterinario. Titulación oficial de licenciado/a en Veterinaria. I.2. Axuliar de laboratorio. Titulación académica: I.2.1. FP1 (rama química, profesión operador de laboratorio ou operador de planta) ou I.2.2. graduado escolar, FP1 ou equivalente. Experiencia: soamente para o punto I.2.2, ademais da titulación requírense dous anos de experiencia acreditada na categoría na Administración pública ou tres anos na empresa privada. I.3. Limpador/a. Titulación académica: certificado de escolaridade.
II. Méritos valorables: II.1. Veterinario. II.1.1. Currículo. II.1.2. Experiencia en centros de escolma e reproducción animal e II.1.3. Coñecemento da lingua galega. II.2. Axuliar de laboratorio. Os mesmos anteriores (II.1.1., 2 e 3). II.3. Limpador/a. O primeiro e terceiro anteriores (II.1.1. e II.1.3.).
III. Solicitudes: III.1. Para tomar parte nas probas de selección deberase presentar unha solicitude, indicando expresamente nesta a praza á que opta, xunto coa seguinte documentación: III.1.1. Fotocopia do documento nacional de identidade; III.1.2. Fotografía tamaño carné; III.1.3. Documentación orixinal ou fotocopia compulsada que acredite a titulación e a experiencia, se é o caso, esixida, así como os méritos que se van valorar; III.1.4. III.2. As solicitudes faranse chegar á secretaría de Xenética Fontao, S.A., ó enderezo seguinte: Santiago de Compostela (A Coruña), Rúa dos Irmandiños, s/n, Salgueiriños (CP 15704). III.3. O prazo de presentación de solicitudes será de quince (15) días naturais contados a partir do seguinte ó da publicación deste anuncio no Diario Oficial de Galicia. III.4. Esgotado o prazo de presentación de solicitudes, a comisión de selección publicará nos taboleiros de anuncios de Xenética Fontao, S.A., en Fontao-Esperante (Lugo), e dos servicios centrais do
Ilgga, no mesmo enderezo sinalado na base III.2, a lista previa de admitidos e excluídos ó proceso selectivo, establecéndose un prazo de cinco (5) días naturais para que, se é o caso, os interesados poidan corrixi-los posibles erros emendables. III.5. Transcorrido o pra
zo sinalado na base III.4 publicaranse as listas definitivas de admitidos e excluídos ó proceso selectivo, estableceranse as puntuacións correspondentes á valoración dos méritos, e sinalarase o lugar, a data e a hora na que comezarán as probas de selección. A primeira proba realizarase transcorrido un prazo mínimo dun mes desde a publicación da convocatoria no Diario Oficial de Galicia. III.6. A presentación da solicitude supón a aceptación incondicionada das bases da convocatoria.
IV. Comisión de selección. IV.1. O proceso selectivo será efectuado por unha comisión de selección, integrada polo director do Ilgga, como presidente, o xefe do Sercicio de Xestión Administrativa do Ilgga, como secretario, e o xefe do Servicio de Producción Animal da Dirección Xeral de Producción Agropecuaria da Consellería de Agricultura, Gandería e Política Agroalimentaria e dous membros do Consello de Administración de Xenética Fontao, S.A., como vocais. IV.2. A comisión de selección resolverá cantas dúbidas xurdan no desenvolvemento do proceso selectivo, con suxeición á normativa vixente e ó previsto nestas bases da convocatoria.
V. Probas de selección. Establécense dúas probas de selección: V.1. Unha, de carácter teórico-práctico, sobre os coñecementos específicos para cada posto. V.2. Outra, consistente nunha entrevista persoal, sobre os coñecementos dos aspirantes e as súa adecuación ós postos de traballo. V.3. Os aspirantes terán que acudir ás probas provistos do documento nacional de identidade. V.4. Efectuada a proba teórico-práctica, a comisión de selección publicará nos taboleiros de anuncios sinalados na base III.4. ás puntuacións de tódolos aspirantes, e establecerá o lugar, a data e a hora para que, os que superaron a dita proba, efectúen a entrevista persoal.
VI. Baremo de puntuación. VI.1. Os méritos ós que se refire a base II puntuaranse cun máximo de dez (10) puntos. VI.2. A proba teórico-práctica a que se refire a base V.1. terá unha puntuación máxima de dez (10) puntos, e para que se entenda superada é necesario acadar un mínimo de cinco (5) puntos. De non obte-la dita puntuación mínima, os aspirantes no poderán acceder á entrevista persoal. VI.3. A entrevista persoal (base V.2.) puntuarase cun máximo de dez (10) puntos.
VIII. Selección dos candidatos. VII.1. Seleccionaranse os candidatos que obteñan a maior puntuación final, logo da suma das puntuacións parciais obtidas na fase de méritos e nas probas de selección. VII.2. A comisión de selección proporá ó Consello de Administración de Xenética Fontao, S.A. o nomeamento dos candidatos seleccionados, que procederá a autoriza-las correspondentes contratacións.
Lugo, 26 de outubro de 1999.
Antonio Crespo Iglesias
Presidente do Consello de Administración
de Xenética Fontao, S.A.