1. Entidade adxudicadora.

a) Organismo: Concello de Meira.

b) Dependencia que tramita o expediente: secretaría.

2. Obxecto do contrato.

a) Descrición do obxecto:

1.1. O obxecto do contrato de consultoría e asistencia é a elaboración do traballo titulado Redacción do Plan Xeral de Ordenación Municipal de Meira, coa documentación e contido que se definen na Lei 1/1997, do 24 de marzo, do solo de Galicia, no Regulamento de planeamento, no prego de prescricións técnicas e no prego de cláusulas económico-administrativas particulares.

1.2. Ademais do propio traballo material de redacción do plan xeral, o contrato implica para o contratista a obriga de presta-los seguintes servicios:

-Compilación da información previa necesaria (cartográfica, fotográfica, documental, de campo, etc.).

-Asistencia e apoio nos procesos de exposición pública do avance e de información ó público; informe das suxestións e alegacións presentadas neses trámites.

-Asesoramento técnico ó concello nos procesos e trámites de elaboración do plan xeral (convenios con particulares ou organismos, cumprimento de informes, etc.).

-Entregá ó concello, en cada fase de tramitación, das copias completas do traballo que sexan precisas a fin de pedir informes sectoriais, someter a información ó público, etc. De non establecerse outra cousa no contrato, esta obriga limítase a 6 (seis) copias en cada unha das fases.

1.3. Tódolos documentos integrantes do Plan redactaranse en idioma galego, sen prexuízo de que o concello solicite, ademais, unha traducción para castelán.

b) Lugar de execución: termo municipal de Meira.

c) Prazo de execución: doce (12) meses.

3. Tramitación, procedemento e forma de adxudicación.

a) Tramitación: urxente; b) Procedemento: aberto; c) Forma: concurso.

4. Orzamento base de licitación.

Importe total 11.000.000 de pesetas, IVE incluído.

5. Garantías: provisional: 2% do tipo de licitación (220.000 ptas.).

6. Obtención de documentación e información: a) Entidade: Concello de Meira (Lugo); b) Domicilio: praza do Concello s/n; c) Localidade e código postal: Meira, 27240; d) Teléfono: 982 33 01 02; e) Fax: 982 33 01 02; f) Data límite de obtención de documentos e información: ata a data de finalización do prazo de presentación de proposicións.

7. Requisitos específicos do contratista.

a) Clasificación: non se esixe.

8. Presentación de ofertas.

a) Data límite de presentación: o décimo terceiro día natural seguinte ó da publicación deste anuncio no BOP de Lugo e no DOG, tomando como día para o inicio do prazo o seguinte ó da última publicación.

b) Documentación que se presentará: a sinalada na base 12 do prego de cláusulas económico-administrativas particulares.

c) Lugar de presentación: 1ª Entidade: Concello de Meira (Lugo); 2ª Domicilio: praza do Concello s/n; 3ª Localidade e código postal: Meira, 27240; d) Prazo durante o que o licitador estará obrigado a mante-la súa oferta: un mes desde que finalice o prazo de presentación de proposicións.

9. Apertura das ofertas: no salón de sesións do Concello de Meira, na praza do Concello s/n, ás dez horas do segundo día hábil seguinte a aquel

en que remate o prazo de presentación de proposicións, (non sendo sábado).

10. Gastos de anuncios: serán con cargo ó adxudicatario tódolos gastos que por este motivo se produzan.

Meira, 17 de novembro de 1999.

Rosendo Folgueira Valle

Alcalde