En uso das atribucións conferidas polo artigo 15.4º da Lei 4/1988, do 26 de maio, da función pública de Galicia, esta consellería
DISPÓN:
Primeiro.-Anuncia-la convocatoria para cubrir, polo sistema de libre designación, os postos de traballo que se relacionan no anexo I desta orde.
Segundo.-Poderán concorrer tódolos funcionarios que reúnan os requisitos que se esixen e que se especifican no anexo I.
Terceiro.-As solicitudes para participar na convocatoria presentaranse no rexistro xeral da Consellería de Pesca, Marisqueo e Acuicultura (edificio administrativo de San Caetano nº 5, Santiago de Compostela), nas súas delegacións territoriais ou nas oficinas sinaladas no artigo 38º.4 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de 15 días hábiles contados a partir do seguinte ó da publicación desta orde no Diario Oficial de Galicia. O modelo de solicitude publícase no anexo II.
Cuarto.-Os aspirantes deberán xuntarlle á súa solicitude un currículum vitae e xustificar, mediante certificación ou copia compulsada, os méritos que aleguen.
Quinto.-O nomeamento dun funcionario con destino definitivo noutra Administración pública ou que preste os seus servicios na Comunidade Autónoma de Galicia como consecuencia dunha comisión de servicios con
cedida conforme o disposto na disposición transitoria oitava, punto 4º da Lei 30/1984, do 2 de agosto, que resultase seleccionado para ocupa-lo posto de traballo anunciado, estará condicionado a que a súa Administración emita informe favorable, conforme o previsto no Real decreto 364/1995, do 10 de marzo, e demais disposicións concordantes.
Sexto.-A resolución desta convocatoria farase pública no Diario Oficial de Galicia, e poderá declararse deserto o posto ou os postos de traballo se se considerase oportuno.
Sétimo.-O prazo de toma de posesión será de tres días se o destino anterior está na mesma localidade do novo destino, e dun mes se está en localidade distinta ou comporta reingreso ó servicio activo. O prazo de toma de posesión empezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución, agás no caso de procedencia doutras administracións, que deberá efectuarse dentro dos tres días
hábiles seguintes ó da comunicación da resolución de traslado á Comunidade Autónoma de Galicia. Se a resolución comporta o reingreso ó servicio activo, o prazo de toma de posesión empezará a contarse a partir do día seguinte ó da publicación da resolución no Diario Oficial de Galicia.
Oitavo.-Contra esta orde, que pon fin á vía administrativa, poderá interpoñer recurso potestativo de reposición, perante o conselleiro de Pesca, Marisqueo e Acuicultura, no prazo dun mes contado desde o día seguinte ó da súa publicación, de conformidade co establecido na Lei 30/1992, do 26 de novembro, ou poderá impugnala directamente, á elección do/a demandante, perante o xulgado do contencioso-administrativo da circunscrición na que teña o seu enderezo ou no da Coruña, no prazo de dous meses contados desde a mesma data, segundo a Lei 29/1998, do 13 de xullo.
Santiago de Compostela, 10 de novembro de 1999.
Amancio Landín Jaráiz
Conselleiro de Pesca, Marisqueo e Acuicultura
ANEXO I
do posto de traballo
específico
Código Denominación
Centro directivo Localidade Corpo ou escala Grupo Nivel Complemento
Formación Observacións
PE.C01.00.000.15770.002 Secretario/a de apoio Gabinete do conselleiro Santiago de Compostela Xeral CD 18 545.160 001
PE.C03.00.001.15770.041 Servicio de Asesoría Técnica Dirección Xeral de Recursos Mariños Santiago de Compostela Xeral/especial AB 28 1.703.640
PE.C03.00.002.15770.005 Servicio de Pesca Dirección Xeral de Recursos Mariños Santiago de Compostela Xeral/especial AB 28 1.703.640
PE.C03.00.002.15770.015 Servicio de Vixilancia e Inspección Dirección Xeral de Recursos Mariños Santiago de Compostela Especial AB 28 1.703.640 954 Horario especial
PE.C03.00.002.15770.016 Sección de Vixilancia Dirección Xeral de Recursos Mariños Santiago de Compostela Escala IP,NM,NP,SP,TV ABC 25 1.192.548 954 Horario especial
PE.C04.00.001.15770.026 Servicio de Comercialización e Infraestructura Dirección Xeral de Estructuras Pesqueiras e Mercados Santiago de Compostela Xeral/especial AB 28 1.703.640
PE.C05.00.000.15770.002 Secretario/a do director/a xeral Dirección Xeral de Formación Pesqueira e Investigación Santiago de Compostela Xeral CD 18 545.160 001
PE.C99.40.202.36590.001 Xerente Centro de Control de Calidade do Medio Mariño Vilaxoán, Vilagarcía de Arousa, Pontevedra Xeral A 26 1.362.924 Horario especial
PE.C99.40.201.36600.002 Xerente Centro de Investigacións Mariñas Corón, Vilanova de Arousa, Pontevedra Xeral A 26 1.362.924
ANEXO II
NOTA: úsese o publicado na páxina 13.915.