Rematados os procesos selectivos convocados polas ordes do 26 de agosto de 1997 (DOG nº 198 e 199, do 14 e 15 de outubro respectivamente), para o acceso ó corpo facultativo superior da Xunta de Galicia (grupo A), escala de profesores numerarios de institutos politécnicos marítimo-pesqueiros e ó corpo facultativo de grao medio da Xunta de Galicia (grupo B), escala de mestres de taller de institutos politécnicos marítimo-pesqueiros, elevadas a definitivas as propostas de aspirantes que superaron estes, polas ordes do 20 e 30 de xullo de 1999 (DOG nº 151 e 164 do 6 e 25 de agosto), verificada a concorrencia dos requisitos esixidos nas bases das convocatorias e realizado o acto previsto na Orde do 28 de outubro de 1999,

Esta consellería, de conformidade co disposto na Lei 4/1998, do 26 de maio, da función pública de Galicia, no Decreto 95/1991, polo que se aproba o Regulamento de selección de persoal da Administración da Xunta de Galicia, demais normativa concordante e nas bases das respectivas convocatorias de procesos selectivos,

DISPON:

Primeiro.-Nomear funcionarios do corpo facultativo superior da Xunta de Galicia (grupo A), escala

de profesores numerarios de institutos politécnicos marítimo-pesqueiros e do corpo facultativo de grao medio da Xunta de Galicia (grupo B), escala de mestres de taller de institutos politécnicos marítimo-pesqueiros, ós aspirantes aprobados que figuran no anexo desta orde, relacionados, nos correspondentes sistemas de acceso, de acordo coa puntuación final obtida e adxudicándolles, como destinos definitivos, os que figuran no anexo.

Segundo.-Para adquiri-la condición de funcionarios, as persoas á que se refire o anexo desta orde deberán cumpri-los requisitos esixidos no artigo 45 da Lei 4/1998, do 26 de maio, da función pública de Galicia e tomar posesión do correspondente posto de traballo no prazo legalmente previsto.

Terceiro.-O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.

Contra esta orde, que pon fin á vía administrativa, poderase interpoñer recurso potestativo de reposición ante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, segundo o artigo 8.2º en conexión co artigo 10.1º da Lei 29/1998, do 13 de xullo.

Santiago de Compostela, 15 de novembro de 1999.

Jaime Pita Varela

Conselleiro da Presidencia e Administración

Pública

ANEXO

CORPO FACULTATIVO SUPERIOR DA XUNTA DE GALICIA

PROFESORES NUMERARIOS DE INSTITUTOS POLITÉCNICOS MARÍTIMO-PESQUEIROS

Promoción interna

Acceso libre

CORPO FACULTATIVO DE GRAO MMEDIO DA XUNTA DE GALICIA

MESTRES DE TALLER DE INSTITUTOS POLITÉCNICOS MARÍTIMO-PESQUEIROS

Acceso libre