De conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselle á persoa que no anexo se menciona a incoación do expediente sancionador por presunta infracción á Lei sobre incendios forestais 81/1968, do 5 de decembro, e do seu regulamento, aprobado polo Decreto 3769/1972, do 23 de decembro.
Noméase instructora do expediente a Míriam López Areal, funcionaria desta delegación; o réxime de recusación é o establecido nos artigos 28 e 29 da Lei 30/1992.
Para os efectos previstos na Lei de réxime xurídico das administracións públicas e do procedemento administrativo común, o expedientado disporá dun prazo de quince (15) días hábiles, contados a partir do seguinte ó da publicación desta notificación, para que poida examina-lo expediente nesta delegación provincial, sita na rúa do Paseo nº 18-5ª planta e achegar por escrito as alegacións, e os documentos, informacións ou proposta de probas que considere convenientes na defensa dos seus dereitos.
De conformidade co disposto no artigo 42.4º da Lei 30/1992, en relación coa Lei 4/1999, de réxime
xurídico das administracións públicas e do procedemento administrativo común, infórmase que no caso de non resolver este expediente no prazo de seis meses, tendo en conta as posibles interrupcións do seu cómputo por causas imputables ó interesado, producirase a súa caducidade. A resolución que declare a caducidade ordenará o arquivo das actuacións cos efectos previstos no artigo 92 desta lei.
De non efectuaren alegación ningunha no prazo fixado, este acordo de incoación poderá ser considerado proposta de resolución, conforme o establecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto.
Para resolve-lo expediente é competente, por razón da contía da multa, o director xeral de Montes e Medio Ambiente Natural desta consellería, de acordo co artigo 141 do regulamento da Lei sobre incendios forestais.
O pagamento voluntario porá fin ó expediente. O importe da sanción que en cada caso corresponda farase efectivo na conta número 2091-0388-90-3110001181 de Caixa Galicia, empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia.
Ourense, 25 de outubro de 1999.
Agustín Prado Verdeal
Delegado provincial de Ourense
ANEXO
Expte. nº/ano: 57/1999. Incencios.
Denunciado: Domingo de la Torre Dargamale.
DNI: 35.788.579.
Último enderezo coñecido: lugar Forcadas s/n. Chandrexa de Queixa (Ourense).
Feito denunciado: sete conatos de incendios duns 100 m cada un aproximadamente no monte Forcadas de Serra de Queixa. Chandrexa de Queixa.
Precepto infrinxido e sancionador: Art. 137 b), 138 b) e 138 c) do Regulamento do 23-12-1972 sobre incendios forestais, en relación coa Resolución do 21-12-1998 sobre medidas para a prevención de incendios forestais para o ano 1999.
Sanción pesetas: 250.000.