Pola Orde do 15 de xuño de 1999 (DOG número 145, do 29 de xullo) convocáronse bolsas e axudas a estudiantes universitarios de segundo e terceiro ciclo ou recentemente titulados nalgunha das universidades do Sistema Universitario de Galicia, para a asistencia a congresos, simposios, seminarios ou cursos de verán.

Na súa virtude, de acordo co establecido nas bases da convocatoria, e atendendo ó informe-proposta elevado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Concederlles axudas ás persoas que se relacionan no anexo á presente resolución, que cursan os seus estudios nos centros que se relacionan, e na contía que se indica en cada caso.

Segundo.-Os pagamentos faranse de acordo co establecido nas bases da convocatoria.

Terceiro.-O incumprimento total ou parcial por parte dos beneficiarios de calquera das bases establecidas na orde da convocatoria do 15 de xuño suporá a perda do dereito a percibi-la bolsa correspondente.

Cuarto.-Contra a presente resolución poderán os interesados interpoñer potestativamente recurso de reposición ante o conselleiro de Educación e Ordenación Universitaria no prazo dun mes contado a partir do día seguinte ó da publicación da presente resolución no DOG, ou ben recurso contencioso-administrativo, de acordo co previsto nos artigos 116 e seguintes da Lei 4/1999, pola que se modifica a Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 10 de novembro de 1999.

Celso Currás Fernández

Conselleiro de Educación e Ordenación Universitaria

ANEXO

BOLSAS E AXUDAS ÓS ESTUDIANTES UNIVERSITARIOS DE SEGUNDO

E TERCEIRO CICLO PARA A ASISTENCIA A CONGRESOS, SIMPOSIOS,

SEMINARIOS OU CURSOS DE VERÁN

(Orde do 15 de xuño de 1999, DOG do 29 de xullo)