De conformidade co disposto no artigo 27.2º da Lei 4/1988, do 26 de maio, da función pública de Galicia, na súa nova redacción dada pola Lei 3/1995, do 10 de abril, artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 15.4º da referida lei, esta consellería

DISPÓN:

Primeiro.-Anuncia-la convocatoria para cubrir, polo sistema de libre designación, os postos de traballo que se indican no anexo I desta orde.

Segundo.-Poderán concorrer a ela os/as funcionarios/as que reúnan as condicións que para os respectivos postos de traballo se sinalan no anexo I.

Terceiro.-As solicitudes para participar nesta convocatoria presentaranse no rexistro xeral da Consellería de Medio Ambiente (Rúa dos Basquiños nº 2, Santiago de Compostela), nas súas delegacións provinciais ou nas oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días hábiles, contados a partir do seguinte ó da publicación desta orde no Diario Oficial de Galicia, segundo o modelo que se inclúe no anexo II.

Cuarto.-Os/as aspirantes deberán xuntarlle á súa petición un currículun vitae e xustificar mediante certificación ou copia compulsada os méritos que aleguen.

Os méritos alegados e non probados da maneira en que se sinala no punto anterior non serán tidos en conta.

Quinto..-No caso de que resulten seleccionados/as para ocupa-los postos de traballo que se relacionan no anexo I desta orde funcionarios/as con destino noutras administracións, requirirase o informe favorable do departamento onde presten servicios, con

siderándose favorable de non emitirse no prazo de quince días segundo o disposto no artigo 67 do Real decreto 364/1995, do 10 de marzo.

Sexto.-A resolución desta convocatoria farase pública no Diario Oficial de Galicia e poderá, de considerarse oportuno, declararse deserta.

Sétimo.-O prazo de toma de posesión será de tres días hábiles se o destino anterior radica na mesma localidade do novo, ou dun mes se radica en localidade distinta ou comporta o reingreso ó servicio activo.

O prazo de toma de posesión empezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución no Diario Oficial de Galicia.

Se a resolución comporta o reingreso ó servicio activo, o prazo de toma de posesión deberá computarse desde o día seguinte ó da publicación da resolución.

Oitavo.-Contra esta orde, que pon fin á vía administrativa, os interesados poderán interpoñer recurso potestativo de reposición perante o conselleiro de Medio Ambiente, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 4 de novembro de 1999.

José Carlos del Álamo Jiménez

Conselleiro de Medio Ambiente

ANEXO I

Código: MA.C02.00.00115770.050.

Denominación do posto de traballo: xefe Servicio de Informática.

Centro directivo: secretaría xeral.

Localidade: Santiago de Compostela.

Corpo ou escala: xeral/ Esc. informática.

Grupo: AB.

Nivel: 28.

Específico: 1.703.640.

Código: MA.C03.00.001.15770.021.

Denominación do posto de traballo: xefe Servicio de Produc. e Indust. Forestais.

Centro directivo: Dirección Xeral de Montes e Medio Ambiente Natural.

Localidade: Santiago de Compostela.

Corpo ou escala: especial.

Grupo: AB.

Nivel: 28.

Específico: 1.703.640.

Código: MA.C03.00.003.15770.015.

Denominación do posto de traballo: xefe Servicio Conservación da Biodiversidade.

Centro directivo: Dirección Xeral de Montes e Medio Ambiente Natural.

Localidade: Santiago de Compostela.

Corpo ou escala: especial.

Grupo: AB.

Nivel: 28.

Específico: 1.703.640.

Código: MA.C04.00.001.15770.005.

Denominación do posto de traballo: xefe Servicio de Protección Ambiental.

Centro directivo: Dirección Xeral de Calidade e Avaliación Ambiental.

Localidade: Santiago de Compostela.

Corpo ou escala: xeral/especial.

Grupo: AB.

Nivel: 28.

Específico: 1.703.640.

Código: MA.C05.00.301.36001.001.

Denominación do posto de traballo: director Centro Investigacións Forestais.

Centro directivo: Centro de Información e Tecnoloxía Ambiental.

Localidade: Lourizán (Pontevedra).

Corpo ou escala: xeral/especial/docente.

Grupo: AB.

Nivel: 28.

Específico: 1.703.640.

ANEXO II

MODELO DE SOLICITUDE

NOTA: úsese o publicado na páxina 13.592