Examinado o expediente instruído por instancia do centro privado Padre Feijoo-Zorelle de Ourense, solicitando autorización definitiva para impartir educación secundaria obrigatoria e bacharelato.
Tendo en conta que o expediente foi tramitado pola Delegación Provincial da Consellería de Educación e Ordenación Universitaria de Ourense, que se remite cos informes correspondentes.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que concorren no expediente os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-lo centro privado Padre Feijoo-Zorelle para impartir educación secundaria obrigatoria e bacharelato e, como consecuencia disto, establece-la configuración definitiva dos centros existentes no mesmo edificio ou recinto escolar, segundo se especifica no anexo.
Segundo.-Para as ensinanzas de educación secundaria obrigatoria que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia no dito centro.
Terceiro.-O centro de educación secundaria que por esta orde se autoriza deberá cumpri-la Norma Básica da Edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Cuarto.-A autorización das novas ensinanzas de bacharelato, que se especifican no anexo desta orde, producirá efectos a medida que se implanten conforme o calendario de aplicación da nova ordenación
do sistema educativo. Así mesmo, o dito centro poderá seguir impartindo as ensinanzas de BUP-COU ata que se extingan, segundo o dito calendario de aplicación da LOXSE.
Quinto.-O centro queda obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Sexto.-Contra esta disposición, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 19 de outubro de 1999.
Celso Currás Fernández
Conselleiro de Educación e Ordenación
Universitaria
ANEXO
Provincia: Ourense.
Concello: Ourense.
Localidade: Ourense.
Enderezo: r/ Doutor Fleming, nº 2º 1.
Código do centro: 32008616.
Denominación específica: Padre Feijoo Zorelle.
Titular: Colexio Padre Feijoo Zorelle, S.L.
Composición resultante:
a) Centro de educación infantil: 3 unidades.
b) Centro de educación primaria: 7 unidades.
c) Centro de educación secundaria: 8 unidades de educación secundaria obrigatoria.
d) Bacharelato: 4 unidades nas modalidades de ciencias da natureza e saúde, e humanidades e ciencias sociais.