A Comisión de Goberno, en sesión do día 2 de novembro de 1999, logo de decidir definitivamente que a área de reparto 10 das do PXOM sexa executada polo sistema de compensación, acordou aprobar inicialmente o proxecto de estatutos e as bases de actuación da xunta de compensación que se vai constituír para a execución da devandita área de reparto.
Co obxecto de dar cumprimento ó establecido nos artigos 133.4º e 102 da Lei 1/1997, do 24 de marzo, do solo de Galicia e 161.3º do Regulamento de xestión urbanística, sométense a información pública polo prazo de 20 días mediante inserción de anuncios no DOG e no BOP, con inserción nesta último dos textos íntegros.
O prazo de información pública entenderase aberto desde o día seguinte ó da publicación do primeiro anuncio, ata transcorridos vinte días desde o día seguinte ó da publicación do derradeiro anuncio,
todo iso sen prexuízo da citación persoal ós interesados.
O expediente, xunto coa relación de afectados e parcelario, atópase á disposición do público en xeral na secretaría xeral do concello, sita na casa do concello (teléfono 986 78 70 60), onde pode ser consultado en horas de oficina (de 8.30 a 14.30 horas).
Lalín, 5 de novembro de 1999.
José Crespo Iglesias
Alcalde