O Consello da Xerencia Municipal de Urbanismo de Vigo, en sesión do día 21 de outubro de 1999, acordou aprobar inicialmente o texto refundido e reformado do proxecto de urbanización da unidade de execución I do PERI UA 6 Sensat, presentado pola entidade Inversiones Mar 2000, S.L., redactado polo arquitecto José A. Comesaña García, con visado do COAG do 14 de xuño e 27 de setembro de 1999.

Procédese ó trámite de información pública do citado proxecto durante o período dun mes a través de publicación no DOG e nun dos xornais de maior circulación da provincia e taboleiro de anuncios da xerencia. Faise notar que o prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorado o seu enderezo non poidan ser notificados persoalmente.

Vigo, 4 de novembro de 1999.

Lóis Pérez Castrillo

Alcalde-presidente da Xerencia Municipal de Urbanismo