Iniciado procedemento de expropiación forzosa para a ocupación dos bens e dereitos que se consideran necesarios para a realización das obras de alargamento e mellora do camiño da estrada provincial ó cruceiro de Coiro, segundo o proxecto redactado polo enxeñeiro de camiños Manuel Pisos Veiga, aprobado na sesión plenaria do 29 de setembro de 1999 e declarado de utilidade pública, faise pública a relación de propietarios e bens afectados para que dentro do prazo de quince días, contados a partir do seguinte á inserción deste edicto no BOP, poidan os interesados formular alegacións sobre a procedencia da ocupación ou disposición de bens e dereitos e o seu estado material ou legal, achegando cantos datos permitan a rectificación dos posibles erros que se estimen cometidos na relación que se faría pública.

Para os únicos efectos da emenda de erros na descrición material e legal dos bens, calquera persoa natural ou xurídica poderá comparecer para alegar e ofrecer cantos antecedentes ou referencias sirvan de fundamento para as rectificacións que procedan.

Esta publicación faise igualmente para os efectos do artigo 59.4º da Lei 4/1992, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e procedemento administrativo común, ó resultar descoñecido o domicilio dos herdeiros de Manuel Rodríguez M. e así dirixir ó Ministerio Fiscal as dilixencias que se produzan, de conformidade co artigo 5 da Lei de expropiación forzosa do 16 de decembro de 1954.

Laracha, 30 de setembro de 1999.

José Manuel López Varela

Alcalde

Relacións de bens afectados