A Comisión de Goberno, en sesión do día trece de setembro de mil novecentos noventa e nove, acordou prestar aprobación definitiva ó proxecto de urbanización da travesía prevista polo Plan xeral de ordenación municipal entre a avenida de Eduardo Pondal e a rúa Camiño do Gorgullón, promovido, mediante iniciativa particular, por Procastrolar, Sociedad Limitada, e redactado pola arquitecta María I1 de Portos Taboada, con visado da Delegación en Pontevedra do COAG con data do 21-12-1998 e anexo á memoria e orzamento do proxecto e plano número 7 de perfil transversal da rúa, subscritos pola citada arquitecta, intervidos colexialmente o 3-3-1999, que reforman e anulan os correlativos do proxecto, téndose que suxeitar a determinadas condicións.
O que se fai público para a súa executividade, subliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contando desde o día seguinte ó daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso que os interesados consideren procedente consonte a dereito.
Pontevedra, 6 de setembro do 1999.
P.D. (Decreto alcaldía 60/1995)
Xosé Cesáreo Mosquera Lorenzo
Tenente alcalde delegado de Área
Julio Dapena Outomuro
Secretario xeral