A Delegación Provincial do Instituto Galego da Vivenda e Solo de Lugo, tramitou dilixencias previas 16/1998 e 17/1998, seguidas en virtude de denuncias formuladas por Jesús Escarda Fernández e José Luis López Rodríguez, contra a promotora inmobiliaria Cruceiro, S.A., finalizando este trámite con requirimento á empresa constructora para que efectúe obras de reparación nos garaxes anexos ás vivendas dos denunciantes 5º B e 4º B respectivamente, da casa nº 32 da rúa Angelo Colocci de Lugo.
As obras de reparación que se deben realizar son as necesarias para adecua-los garaxes ás medidas de protección oficial. Para este fin concédeselle á empresa constructora un prazo de 10 días para remisión de proxecto e orzamento a esta delegación provincial; e un prazo de 30 días para a súa execución.
A non realización das obras nos prazos sinalados determinará a iniciación do oportuno expediente sancionador.
Lugo, 16 de setembro de 1999.
Antonio Boné Pina
Delegado provincial de Lugo