Autorizado e aprobado o proxecto do parque eólico de referencia para instalar nas zonas denominadas Serra do Condieiro e Serrón do Lobo, nos termos municipais de Monfero (A Coruña) e Xermade (Lugo), por Resolución do 21 de maio de 1999 da Dirección Xeral de Industria (DOG 116, do 18 de xuño), e declaradas de utilidade pública, en concreto, as súas instalacións, por Resolución do 21 de maio de 1999 da Consellería de Industria e Comercio (DOG 116, do 18 de xuño), e aprobado definitivamente o proxecto sectorial de incidencia supramunicipal do referido parque eólico, por acordo do Consello da Xunta de Galicia, do 15 de xullo de 1999 (DOG 146, do 30 de xullo), a prol da sociedade Sotavento Galicia, S.A., con enderezo na r/ Hórreo, nº 94, entreplanta, 15702 Santiago de Compostela.

A referida declaración de utilidade pública leva implícita a necesidade de ocupación dos bens e a adquisicón dos dereitos afectados pola execución do proxecto aprobado, e a declaración de urxente ocupación, de conformidade co Decreto 205/1995, do 6 de xullo, (DOG do 17 de xullo), da Consellería de Industria e Comercio, que regula o aproveitamento da enerxía eólica na Comunidade Autonomía de Galicia, e a Lei 54/1997, do 27 de novembro, do sector eléctrico (BOE do 28 de novembro).

En consecuencia, fáiselles saber ós titulares propostos dos predios que se conteñen na relación anexa, ós que se lles practicará notificación para o efecto, que o día 26 de novembro de 1999, o representante da Administración acompañado dun perito, comparecerán nos predios para a toma de datos e para levantar a partir das 13 horas, nas oficinas da Casa do Concello de Monfero, as actas previas

á ocupación, de conformidade cos artigos 52 da Lei de expropiación forzosa, do 16 de decembro de 1954, e 56 do seu regulamento do 26 de abril de 1957, nas que se describirán os bens obxecto de expropiación ou servidume, e se farán consta-las manifestacións e os datos que sexan útiles para determina-los dereitos afectados.

Esta resolución publícase no Diario Oficial de Galicia, no BOP, e xornais La Voz de Galicia e El Correo Gallego, solicitando a súa exposición no taboleiro de edictos da Casa do Concello de Monfero.

Advírteselles ós interesados que no día e hora sinalados poderán facerse acompañar dos seus peritos e dun notario, pola súa conta, e formular por escrito perante esta delegación ata aquel momento as alegacións, para os únicos efectos de emendar posibles erros padecidos ó relaciona-los bens e dereitos obxecto de expropiación de superficies en solo ou de imposición de servidumes en superficie de voo.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativa común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 18 de outubro de 1999.

Jesús Espada Martínez

Delegado provincial da Coruña

ANEXO

Relación de bens e dereitos afectados.

Nº predio: 4.

Propietario: María Gen Grueiro, Vilar 1, Alto de Xestoso Monfero, A Coruña.

Concello: Monfero.

Expropiación de pleno dominio: 5.117 m.

Servidume de voo: 2.729 m.

Nº predio: 5.

Propietario: Juan Manuel Carretero López, Rúa da Penela 21, Vilalba e outros.

Concello: Monfero.

Expropiación de pleno dominio:

Servidume de voo: 491 m.