Visto pola Sección Segunda da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 02/0005743/1996, interposto por Manuel Rodríguez Darriba, contra desestimación presunta por silencio do recurso ordinario interposto o 7-3-1994 contra acordo da Comisión Provincial de Urbanismo de Pontevedra do 14-4-1993, que aprobou as normas subsidiarias de planeamento do Concello de Forcarei; dictouse a sentencia 570/1999, do 22 de xullo, agora firme, pola que se estimaba o dito recurso.
Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdicción contencioso-administrativa, e co fin de levar a puro e debido efecto a dita sentencia, este departamento resolve darlle publicidade á parte dispositiva da sentencia número 570/1999, do 22 de xullo de 1999, que a seguir se transcribe:
«Decidimos que debemos estimar e estimámo-lo o recurso contencioso-administrativo interposto por Manuel Rodríguez Darriba contra a desestimación presunta, por silencio administrativo, do recurso ordinario formulado contra acordo da Comisión Provincial de Urbanismo de Pontevedra, do 14-4-1993, sobre aprobación definitiva das normas subsidiarias de planeamento do Concello de Forcarei e, en consecuencia, debemos anular e anulámo-las ditas normas subsidiarias no concreto extremo relativo ó trazado da rúa «J» (antiga rúa I)».
Santiago de Compostela, 19 de outubro de 1999.
P.D. (Orde 13-12-1993)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda