A Comisión de Goberno do Concello, na sesión do 13 outubro de 1999, aprobou inicialmente a modificación do proxecto de urbanización da unidade de actuación número 19 (UA-19) no Campo de Santa Marta, promovida pola Inmobiliaria Domínguez Vázquez, S.A.
O ámbito da urbanización está comprendido entre os seguintes lindeiros.
Norte: camiño que vai desde a rúa Escultor Ferreiro ata o Campo de Santa Marta.
Sur: CN-550 e edificio número 1 da rúa do Campo de Santa Marta.
Leste: rúa do Campo de Santa Marta e edificio número 1 da rúa do Campo de Santa Marta.
Oeste: rúa do Campo de Agra.
O expediente sométese a información pública durante o prazo dun mes, contado desde o día seguin
te ó da publicación deste anuncio no Diario Oficial de Galicia. Durante o citado prazo, os interesados poderán consulta-lo expediente na Sección de Planeamento e Xestión e formular por escrito as alegacións que xulguen oportunas.
Santiago de Compostela, 22 de outubro de 1999.
Xosé A. Sánchez Bugallo
Alcalde