A Consellería de Industria e Comercio dictou a Orde do 28 de maio de 1999 pola que se convoca e regula o réxime de concesión de axudas correspondentes ó programa Apoio á I+D industrial. Tecnoloxías industriais, do Plan Galego de IDT para 1999 (DOG nº 135, do 15 de xullo). O obxectivo desta orde é fomenta-la realización de proxectos de I+D nas empresas da Comunidade Autónoma galega.
Na citada disposición establécese como requisito indispensable para o libramento de axuda a presentación, antes do día 15 de novembro de 1999, da documentación acreditativa do investimento realizado.
Tendo en conta o atraso con que foi publicada a devandita orde e que o elevado número de solicitudes presentadas motivou un longo proceso de avaliación dos proxectos, considérase necesario amplia-lo prazo de xustificación dos investimentos levados a cabo polos solicitantes.
En consecuencia, en uso das atribucións que me foron concedidas,
DISPOÑO:
Artigo único.-Amplia-lo prazo para a execución e xustificación dos investimentos ou actuacións subvencionables ó abeiro da orde da Consellería de Industria e Comercio do 28 de maio de 1999, ata o día 30 de novembro de 1999.
Santiago de Compostela, 21 de outubro de 1999.
Juan Rodríguez Yuste
Conselleiro de Industria e Comercio