Con data do 14 de outubro de 1999, o Comité Galego de Xustiza Deportiva recibe da Sección Primeira da Sala do Contencioso-Administrativo do Tribunal Superior de Xustiza de Galicia, providencia pola que se admite o recurso contencioso-administrativo 01/0001177/1999, interposto por Sabino Senra Abadín contra a resolución do Comité Galego de Xustiza Deportiva, do 7 de maio de 1999, sobre proceso electoral a presidente e a comisión delegada da Federación Galega de Deportes de Inverno.

En consecuencia, a Secretaría Xeral para o Deporte acordou nesta data, e de conformidade co disposto no artigo 64 da Lei reguladora da xurisdicción contencioso-administrativa, modificada pola Lei 10/1992, do 30 de abril, a remisión do expediente administrativo á referida sala, o que se lles notifica para o xeral coñecemento a tódalas persoas emprazadas interesadas no procedemento, e que son emprazadas para que poidan comparecer como parte nos autos na Sección Primeira da Sala do Contencioso-Administrativo do Tribunal Superior de Xustiza de Galicia.

Santiago de Compostela, 18 de outubro de 1999.

Jaime Pita Varela

Conselleiro da Presidencia e Administración

Pública