En cumprimento do disposto nos artigos 42 da Lei 1/1997, do 24 de marzo, do solo de Galicia e 128 do Regulamento de planeamento, faise público que o Concello Pleno, en sesión do 20 de outubro de 1999, prestou aprobación inicial ó expediente de modificación puntual nº 2 do vixente Plan xeral de ordenación urbana: zonas de Piñeira e Vilaselán.
Durante o prazo dun mes contado desde o día seguinte ó de publicación deste anuncio, o expediente queda sometido a información pública, podendo examinarse nas oficinas municipais e presentar, se ó caso, as alegacións que se consideren oportunas.
De mesmo xeito e segundo o disposto nos artigos 94 da Lei 1/1997, do solo de Galicia e 117 e seguintes do Regulamento de planeamento faise público que, en virtude do devandito acordo plenario, queda suspendido o procedemento de outorgamento de licencias urbanísticas na zona da parroquia de Piñeira afectada pola recualificación, cunha extensión de 235.000 m conforme a delimitación gráfica que consta no expediente.
Ribadeo, 21 de outubro de 1999.
José Carlos Rodríguez Andina
Alcalde