Por Resolución do 21 de maio de 1999, da Dirección Xeral de Industria, autorizáronse as instalacións electromecánicas e aprobouse o proxecto de execución do parque eólico denominado Sotavento, sendo declarada a utilidade pública das instalacións
do dito parque eólico por Resolución do 21 de maio de 1999, do conselleiro de Industria e Comercio.
A dita declaración de utilidade pública, de conformidade co disposto no artigo 54 da Lei 54/1997, do sector eléctrico, leva implícita en todo caso a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.
Na súa virtude, esta delegación provincial, en cumprimento do disposto no devandito artigo 52 da Lei
de expropiación forzosa, resolveu convoca-los titulares de bens e dereitos afectados, cos que non se chegou a un acordo, que se relacionan no anexo, para que comparezan no Concello de Xermade, como punto de reunión para, de conformidade co procedemento que establece o citado artigo, levar a cabo o levantamento de actas previas á ocupación. As afeccións designadas na relación de bens e dereitos implican a expropiación do pleno dominio dos terreos ou, se for o caso, a imposición de servidume de paso.
Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e un notario, se consideran oportuno, cos gastos pola súa conta.
Así mesmo, advírteselles a tódolos interesados afectados que poderán formular alegacións por escrito nesta delegación provincial ata o momento do levantamento das actas previas, para os únicos efectos de emendar posibles erros na relación de bens e dereitos afectados.
Desta convocatoria darase traslado a cada interesado mediante a oportuna cédula de citación individual, na que se lle sinalará día e hora para o levantamento de actas.
Esta publicación realízase, igualmente, para os efectos que determina o artigo 59.4º da Lei 30/1992, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación.
No expediente expropiatorio asumirá a condición de beneficiaria a empresa Sotavento Galicia.
Lugo, 14 de outubro de 1999.
Jesús Bendaña Suárez
Delegado provincial de Lugo
ANEXO
Relación de bens e dereitos afectados
Pred. pleno dominio de voo
Nº
Propietario Concello Exprop. de
Servidume
O Campo, 2, Momán
Xermade Rúa Penela, 21, Vilalba
López Vilaboi
Uzal, Momán, Xermade
9 Jesús Pena Carballeira
Xermade 1.398 m 2.426 m
32 Xoán M. Rúa López
Xermade 2.735,86 m 2.433,565 m
35 Herdeiros de Dolores
Xermade 6.254 m 3.868 m