Por acordo da Comisión de Goberno do Concello de Entrimo, do 1 de outubro de 1999, anúnciase concurso, con procedemento aberto, tramitación urxente, para a contratación das obras de camiño de acceso a Bouzadrago desde Pereira, correspondentes ó Fondo de Cooperación Local para 1999, PIEL.

Así mesmo, na dita sesión aprobouse o prego de cláusulas administrativas particulares que rexerá a contratación, o que se expón ó público por espacio de catro días hábiles, contados a partir do seguinte ó da publicación deste anuncio no BOP, para efectos de presentación de reclamacións. A licitación aprazarase no caso de se formularen reclamacións contra o prego.

1. Entidade adxudicadora.

a) Organismo: Comisión de Goberno do Concello de Entrimo.

b) Dependencia que tramita o expediente: secretaría.

2. Obxecto do contrato.

a) Descrición do obxecto: camiño de acceso a Bouzadrago desde Pereira, de acordo co proxecto técnico redactado polo enxeñeiro técnico de obras públicas, Jesús Iglesias Iglesias.

b) Lugar de execución: Entrimo.

c) Prazo de execución: catro meses.

3. Tramitación, procedimiento y forma de adjudicación.

a) Tramitación: urxente.

b) Procedemento: aberto.

c) Forma: concurso.

4. Orzamento base da licitación: doce millóns cincocentas noventa e catro mil setenta e nove (12.594.079) pesetas.

5. Garantías.

a) Provisional: 251.882 pesetas.

b) Definitiva: 4% do importe da adxudicación.

6. Obtención de documentación e información.

a) Entidade: Concello de Entrimo.

b) Domicilio: praza do Concello, 1.

c) Localidade: Entrimo. C.P. 32644.

d) Teléfono: 988 43 46 66.

e) Fax: 988 43 46 10.

f) Data límite de obtención de información e documentación: o décimo terceiro día natural contado a partir da publicación deste edicto no DOG.

7. Requisitos específicos do contratista.

Clasificación: non se esixe.

8. Presentación de proposicións.

a) Data límite: o décimo terceiro díal natural contado a partir do seguinte ó da publicación deste edicto no DOG.

b) Documentación que hai que presentar: a sinalada na cláusula décimo terceira do prego de cláusulas administrativas particulares que rexe a contratación. Deberá ser utilizado como modelo de proposición o que figura no dito prego.

c) Lugar de presentación: no rexistro xeral do Concello de Entrimo, de 9 a 14 horas.

d) Vinculación da oferta: ata a sinatura do contrato.

9. Apertura de proposicións: no salón de plenos da Casa do Concello de Entrimo, ás 16 horas do seguinte día hábil a aquel en que remate o prazo de presentación de proposicións (agás sábados).

10. Gastos de anuncios: serán sempre por conta do adxudicatario.

Entrimo, 4 de outubro de 1999.

Juan Alonso Alonso

Alcalde-presidente