A Lei 27/1992, do 24 de novembro, de portos do Estado e da mariña mercante, texto reformado pola

Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado, sitas no seu territorio.

Os acordos do Consello da Xunta de Galicia do 5 e do 26 de marzo de 1998 facultan o conselleiro de Política Territorial, Obras Públicas e Vivenda para o exercicio das devanditas competencias.

Consonte o previsto no artigo 40 da Lei de portos do Estado e da mariña mercante, segundo a súa redacción trala modificación operada pola Lei 62/1997, do 26 de decembro, a designación dos vocais do consello de administración deberá facerse necesariamente por proposta das administracións públicas e entidades e organismos representados no consello de administración, polo que, recibida certificación do acordo do pleno, con data do 10 de xullo de 1999, do Concello de Pontevedra, polo que se nomea novo representante de dito concello na Autoridade Portuaria de Marín-Pontevedra, en canto órgano competente,

DISPOÑO:

Nomear a Miguel Anxo Fernández Lores vocal do consello de administración da Autoridade Portuaria de Marín-Pontevedra, en representación do Concello de Pontevedra.

Santiago de Compostela, 27 de setembro de 1999.

José Cuíña Crespo

Conselleiro de Política Territorial,

Obras Públicas e Vivenda