Advertidos erros na dita convocatoria, publicada no Diario Oficial de Galicia do 27 de setembro de 1999 (nº 187) e visto o artigo 105.2º da Lei de réxime xurídico das administracións públicas e do procedemento administrativo común, cómpre face-las correccións que figuran a continuación:

Na páxina 11.669, no anexo I, no punto 1.1, alínea a puntación, onde di: «A puntuación desta primeira fase será de 0 a 30 puntos. Para aprobar será necesario obter un mínimo de 15 puntos», debe dicir: «A puntuación deste primeiro exercicio será de 0 a 30 puntos. Para aprobar será necesario obter un mínimo de 15 puntos».

Na páxina 11.670, no anexo I, no punto 1.1, alínea a puntuación, onde di: «A puntuación desta primeira fase será de 0 a 30 puntos. Para aprobar será neceario obter un mínimo de 15 puntos», debe dicir: «A puntuación deste segundo exercicio será de 0 a 30 puntos. Para aprobar será necesario obter un mínimo de 15 puntos».

Santiago de Compostela, 29 de setembro de 1999.

Darío Villanueva Prieto

Rector da Universidade de Santiago de Compostela