O Pleno do Concello de Vigo, en sesión do pasado día 28 de xullo de 1999, acordou aprobar definitivamente o plan especial de mellora do núcleo 03.11 C Miraflores, na parroquia de Bembrive, con
forme a documentación elaborada polo arquitecto José A. Comesaña García a existente no expediente 2794/411.
Contra o devandito acordo, que pon fin á vía administrativa, poderá interpoñerse un dos seguintes recursos:
A. Recurso potestativo de reposición ante o Pleno do Concello de Vigo, no prazo dun mes contado a partir da data de publicación deste anuncio.
B. Recurso contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó de publicación deste anuncio.
Non obstante, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo máximo dun mes para dictar e notifica-la resolución.
C. Calquera outro recurso que considere procedente interpoñer.
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, e publicación no taboleiro de edictos do concello, notifícaselle-lo acordo que nel se contén a tódolos propietarios afectados descoñecidos, de ignorado domicilio, respecto dos cales non se puido practica-la notificación intentada.
Vigo, 16 de setembro de 1999.
Lois Pérez Castrillo
Alcalde, presidente da Xerencia Municipal
de Urbanismo