O Concello Pleno, en sesión ordinaria, do día 3 de setembro de 1999, adoptou, entre outros, o seguinte acordo:
1. Rexeitar tódalas alegacións presentadas xa que se apartan do obxecto da modificación do proxecto de delimitación e subdivisión da zona 8 do SU-24, que pretende corrixi-lo erro de grafismo dos proxectos que foron definitivamente aprobados no seu día tras audiencia dos interesados e resolución das alegacións. Obrar doutra maneira sería incorrer en incongruencia procesual.
2. En consecuencia, procede, unha vez reixeitadas as alegacións, a aprobación definitiva da rectificación mediante corrección de erro de grafismo e que afecta ós proxectos de delimitación e subdivisión da zona 8 do SU-24.
Esta resolución esgota a vía administrativa, polo que é potestativo a interposición do recurso contencioso-administrativo ante a xurisdicción competente no prazo de dous meses, que comezará a partir do día seguinte á presente publicación.
Non obstante ó recurso indicado, poderá utilizar outros que así o crese conveniente.
Este anuncio suple as circunstancias que puidesen concorrer no disposto na Lei 30/1992, do 26 de novembro.
Ourense, 15 de setembro de 1999.
Manuel Jaime Cabezas Enríquez
Alcalde-presidente