Visto o expediente do convenio colectivo da empresa Onyx-Regasa, S.A., para o seu centro de traballo no concello de Ribeira (código 1503291), que tivo entrada nesta delegación provincial o día 16-8-1999, subscrito en representación da parte económica pola empresa, e, da parte social, poilo delegado de persoal o día 14-7-1999 de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado a Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivo de traballo existentes
nesta delegación provincial, e notificación ás representación económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no BOP e no Diario Oficial de Galicia.
A Coruña, 25 de agosto de 1999.
P.S. (Decreto 227/1998 do 10 de xullo)
María Silva Costoya
Secretaria provincial da Coruña
Convenio colectivo da empresa Onyx-Regasa, S.A.
Artigo 1º.-Ámbito de aplicación.
O presente convenio colectivo será de aplicación para tódolos traballadores/as da empresa limpezas Onix-Regasa, S.A., que presten os seus servicios no centro de limpeza viaria e recollida de residuos sólidos urbanos do concello de Ribeira.
Artigo 2º.-Vixencia, duración e prórrogas.
O presente convenio entrará en vigor, independentemente da data da súa sinatura o 1 de xaneiro de 1999. A súa duración será de 2 anos, ate o 31 de decembro do 2000 a denuncia será de carácter automático.
As partes comprométense, tres meses antes do seu remate, a incia-las negociacións dun novo convenio.
Este convenio considérase automaticamente prorrogado durante o tempo que medie entre a data de expiración e a de aprobación do novo convenio ou norma que o substitúa.
Artigo 3º.-Condicións máis beneficiosas.
Do non establecido no presente convenio aplicarase o disposto no convenio sobre o sector (convenio xeral do sector de limpeza pública, viaria, regas, recollida, tratamento e eliminación de residuos e limpeza e conservación da rede de sumidoiros).
Artigo 4º.-Absorción e compensación.
As retribucións establecidas no presente convenio compensarán e absorberán tódalas existentes no momento da súa entrada en vigor, calquera que sea a súa natureza e orixe.
Os aumentos de retribucións que poidan producirse no futuro por disposicións legais de aplicación xeral, só poderán afecta-las condicións pactadas no presente convenio, cando, consideradas as novas retribucións en cómputo anual, superen as aquí pactadas.
En caso contrario, serán absorbidas e compensadas por estas últimas, subsistindo o presente convenio
nos seus propios termos e sen modificación ningunha nos seus conceptos, módulos e retribucións.
Artigo 5º.-Comisión mixta de garantías.
Estará formada por un representante da parte económica e un representante da parte social, que será delegado de persoal. Ámbalas partes poderán contar con asesores e xuntaranse por instancia de calquera delas, cantas veces sexa preciso, debendo celebrarse a reunión dentro dos seguintes cinco días hábiles á convocatoria.
As súas funcións serán:
1. Interpretación auténtica da totalidade das cláusulas deste convenio.
2. Estudio e valoración das novas disposicións legais de promulgación posterior á entrada en vigor do presente convenio, que pudesen afecta-lo seu contido.
3. Cantas outras actividades tendan a unha eficacia práctica do convenio e a unha mellor solución interna dos conflictos.
As reunións da comisión paritaria non se descontarán do crédito de horas sindicais.
Artigo 6º.-Interpretación e aplicación.
As dúbidas e diverxencias que poidan xurdir sobre a aplicación deste convenio serán sometidas á comisión mixta paritaria antes de presenta-la reclamación pertinente ante o organismo competente.
A dita comisión deberá emiti-la súa resolución nun prazo máximo de cinco días hábiles, a partir do día en que foi solicitado.
As funcións e actividades da comisión mixta de garantías non obstruirán, en ningún caso, o libre acceso á xurisdicción administrativa e contenciosa previstas na lei.
Organización do traballo
Artigo 7º.-Organización do traballo.
A organización do traballo é facultade exclusiva da empresa.
A empresa facilitará o exercicio do traballo de maneira que o persoal non sufra atrasos no desenvolvemento do seu cometido debido a persoas ou feitos alleos á dita empresa.
Cada traballador/a realizará o traballo propio da súa categoría. Se por necesidade do servicio un traballador/a viñera desempeñando funcións de categoría superior, cobrará, desde o primeiro día, o salario desa mesma categoría.
Artigo 8º.-Promoción.
No caso de existir prazas de superior categoría terán preferencia, para acceder a elas, o persoal acti
vo da empresa do centro de traballo, polo que se promocionará as ditas categorías ó persoal que demostre a súa aptitude, logo de supera-las probas selectivas, coas bases e requisitos necesarios que marcará a empresa, para o que esta se compromete a da-las facilidades para que o traballador poida acada-la formación precisa ós traballadores/as que pretendan acceder ás ditas prazas e que reúnan os requisitos adecuados.
No caso de que as prazas quedarán vacantes, a empresa podería solicita-los distintos profesionais das oficinas de emprego.
Artigo 9º.-Categorías profesionais.
As categorías profesionais para este convenio, só no relativo ás condicións económicas, son as que figuran na táboa salarial do anexo I do convenio.
Artigo 10º.-Contratación.
A contratación de novos traballadores farase sempre por medio do Inem, en oferta pública, renunciando a outro tipo de contratacións, especialmente daquelas empresas que practiquen a cesión temporal (ETT).
Condicións de traballo
Artigo 11º.-Xornada laboral.
A xornada será de 38 horas semanais, o que supón unha xornada diaria de 6 horas de luns a sábado, con 2 horas máis este día (sábado) pola tarde para a limpeza do mercado, e incluíndo 20 minutos para o bocadillo, como tempo efectivo de traballo.
Os traballos que se teñan que realizar en domingos e festivos retribuiranse con 7.000 ptas. por festivo traballado ou serán compensados cun dúa de descanso.
Artigo 12º.-Vacacións.
Todo o persoal desfrutará anualmente de 30 días naturais de vacacións retribuídas conforme a táboa salarial que se xunta como anexo I.
O persoal que se incorpore á empresa ó longo do ano desfrutará da parte proporcional das vacacións que lle correspondan. Se a dita contratación fose despois do 30 de setembro, desfrutará da parte proporcional dentro do mesmo ano nunha data que se acordará coa empresa.
As vacacións desfrutaranse ó longo de todo o ano, agás nos meses de xuño e agosto, de acordo co calendario exposto nos taboleiros da empresa, de acordo entre os traballadores e esta, de xeito que non existan discriminacións, e se non hai acordo, estas sexan rotativas entre os traballadores/as.
Artigo 13º.-Permisos e licencias.
O persoal terá dereito ó desfrute de permisos e licencias retribuídas nos seguintes supostos:
a) 15 días hábiles en caso de contraer matrimonio.
b) Tres días en caso de enfermidade grave de familiares en primeiro grao. Se o feito se produce fóra da localidade de residencia, o permiso será de 5 días.
c) 3 días en caso de falecemento de calquera familiar en primeiro grao, e 2 días se o é de segundo grao; se o feito ocorre fóra da localidade o permiso será de 2 días máis.
d) 3 días en caso de nacemento de fillos/as. Se o feito ocorre fóra da localidade de residencia, o permiso será de 5 días.
e) 1 día por traslado de domicilio habitual.
f) 1 día por matrimonio de fillos/as e 2 se é fora da localidade.
g) O desfrute dos permisos necesarios para concorrer a exames, cando se cursen estudios para a obtención dalgún título, tanto académico coma profesional. Deberá ser acreditada sempre a concorrencia ós ditos exames.
h) O tempo necesario para recibir asistencia médica ou sanitaria, sempre que sea por un médico especialista, debendo acreditarse documentalmente.
i) Polo tempo indispensable, para o cumprimento dun deber inescusable de carácter público e persoal.
j) Polo tempo necesario para a renovación do carnet de conducir, aqueles traballadores que teñan a categoría de conductor.
k) Catro días laborables ó ano sen xustificar, que se desfrutarán antes do 31 de decembro de cada ano, logo de petición con 48 horas de antelación. A empresa reserva para si o dereito de non concede-las ditas licencias cando as solicitudes coincidentes nunha mesma data supoñan una grave deterioración no servicio. Estes días non terán carácter acumulativo dun ano a outro, nin poderán ser remunerados en caso de renunciar ó seu desfrute. Neste punto considéranse laborables aqueles festivos que por seren consecutivos sea necesario realiza-lo servicio de recollida.
As licencias e permisos serán retribuídos a salario real, como se se estivera traballando.
As licencias e permisos empezarán a contar na data en que se produza o feito que os motiva, ou no día seguinte se o traballador xa rematase a quenda de traballo. Cando se fala de días enténdense días naturais.
Artigo 14º.-Incapacidade temporal.
No caso de baixa por incapacidade temporal derivada de accidente laboral ou enfermidade profesional, contraída como consecuencia da prestación de traballo neste centro, a empresa complementará ata o 100% do salario real, mentres dure a situación de IT. En caso de enfermidade común a empresa complementará o 100% do salario durante os primeiros 3 meses de IT, agás o complemento de nocturnidade, e transporte. En caso de maternidade ou hospitalización tamén terá dereito á dita prestación.
Artigo 15º.-Aviso previo de cesamento.
Aplicarase o que dispoñe a lexislación vixente nesta materia en cada momento.
Artigo 16º.-Roupa de traballo.
A roupa de traballo será de uso obrigatorio para todo o persoal e a empresa facilitará cada ano as seguintes pezas:
-Conductores: 2 fundas ó ano, 1 anorak, 1 par de botas de seguridade, guantes anticorte, botíns de seguridade, un traxe de auga, e unhas botas de auga.
-Peóns: un traxe de inverno (cazadora, 2 pantalóns, 2 camisas, 1 xersei).
Un traxe de verán (cazadora, 2 pantalóns, 2 camisas.
1 anorak, 1 par de botas de seguridade, 1 par de botas de auga, 1 traxe de auga, guantes anticorte, 1 par de botíns de seguridade.
A roupa entregarase do 1 ó 15 de maio, e a roupa precisa para o inverno do 15 ó 30 de setembro.
Condicións sociais
Artigo 17º.-Póliza de seguros.
En caso de accidente laboral ou enfermidade profesional como consecuencia da actividade desenvolvida para a empresa, da que se derive morte, incapacidade laboral permanente absoluta ou gran invalidez para calquera actividade laboral, o traballador/a ou os seus beneficiarios percibirán en concepto de indemnización a cantidade de 3.000.000 de pesetas, independentemente das prestacións que puideran corresponderlle por este motivo.
Artigo 18º.-Excedencias.
Terá dereito a solicita-la excedencia todo traballador/a que teña unha antigüidade mínima dun ano na empresa concedéndose esta por un período compendido entre 1 e 5 anos.
A petición de excedencia deberá facerse cun mes de antelación, com mínimo.
A incorporación ó posto de traballo deberá ser solicitada un mes antes de remata-la excedencia.
A excedencia poderá ser voluntaria ou forzosa. A excedencia considerarase forzosa, cando sexa debida a algunha das causas seguintes:
1. Nomeamento para cargo público, político ou sindical.
2. Enfermidade.
3. Servicio militar ou civil substitutorio.
O/A traballador/a por lactación dun fillo/a menor de 9 meses terá dereito a unha hora diaria de ausencia do traballo, que poderá ser ó principio ou ó final da xornada de traballo, esta ausencia poderá prorrogarse ata que o fillo/a cumpra nove meses.
Poderá solicitar excedencia todo traballador en activo que teña un cargo sindical, tanto sexa da estructura directiva da central sindical a que pertenza, como a institución galega ou estatal en calquera das súas modalidades, esta excedencia será con dereito a reserva de posto de traballo, debéndose avisar, cando menos, cunha antelación da súa reincorporación á empresa, que se fará de xeito automático, contándose o tempo de excedencia para efectos de antigüedade na empresa.
O traballador enfermo pasará á situación de excedencia forzosa cando se esgote o prazo máximo de permanencia na incapacidade temporal (IT).
A duración desta excedencia será a establecida pola lexislación da Seguridade Social para a invalidez provisional.
O traballador deberá solicita-lo reingreso, que será automático, dentro dos trinta días seguintes ó de alta por curación, en caso de non facelo así, agás causa forza maior, causará baixa na empresa.
Artigo 19º.-Servicio militar ou civil substitutorio.
Os traballadores pasarán á situación de excedencia polo tempo que dure o servicio militar ou civil substitutorio, debendo porse á disposición do seu centro de traballo, como máximo un mes despois do seu licenciamento, xa que, en caso de non facerse así, se considerará extinguida a relación laboral, agás en casos debidamente xustificados.
Artigo 20º.-Cobertura por retirada do carné de conducir.
Nos casos de retirada provisional do permiso de conducir, a empresa adaptará o conductor afectado a outro posto de traballo, conservándolle a categoría e soldo durante un período máximo de tres meses, transcorrido o dito prazo adaptaráselle tanto o soldo como a categoría e posto anterior nun prazo de 3 meses a partir da devolución do mencionado carné.
Este beneficio non terá efecto cando a dita retirada sexa por imprudencia temeraria, conducción baixo os efectos das drogas ou alcohol.
Artigo 21º.-Axuda escolar.
A empresa achegará unha axuda, anualmente, antes de remata-lo mes de outubro, para estudios oficiais de fillos de traballadores, que terá un importe de 7.000 ptas. por fillo para EXB, ou gardería; 10.000 ptas. ano por fillo en ensinanzas medias, e 25.000 ptas. ano por fillo para estudios superiores (universitarios).
Artigo 22º.-Comité de seguridade e hixiene.
Aplicarase o disposto na Lei de prevención de riscos laborais neste tema.
Artigo 23º.-Revisións médicas.
Aplicarase o disposto na Lei de prevención de riscos laborais neste punto.
Dereitos sindicais
Artigo 24º.-Dereitos sindicais.
Os delegados de persoal disporán dun crédito de horas sindicais mensuais retribuídas a salario real (como se estivese traballando), para o desenvolvemento das súas funcións representativas e sindicais. Estas horas poderán acumularse mensualmente. A empresa poderá pedir certificación xenérica da utilización destas horas.
As reunións para a negociación do convenio colectivo, así como as que convoque a representación empresarial, non se computarán para efectos do consumo de crédito de horas sindicais.
A empresa manterá en bo estado os taboleiros de anuncios de cada centro, e facilitaralle ó delegado o acceso ós medios de reproducción da empresa, sempre que os escritos ou documentos teñan relación coa actividade do delegado dentro da empresa.
Artigo 25º.-Cota sindical.
A empresa descontará da nómina dos traballadores/as que o soliciten por escrito a cota sindical correspondente.
Condicións salariais
Artigo 26º.-Retribucións salariais.
A estructura do salario está constituída polos seguintes conceptos:
-Salario base.-Antigüidade.-Complemento de asiduidade.-Complemento de nocturnidade.-Complemento tóxico, penoso ou perigoso.-Complemento de transporte.-Pagas extraordinarias.
Artigo 27º.-Salario base.
É o que está recollido para cada categoría na táboa salarial que figura como anexo I deste convenio colectivo. Devengarase por día natural.
Artigo 28º.-Antigüidade.
O complemento persoal de antigüidade queda establecido por bienios ó 5% sobre o salario base de cada categoría, ata un máximo dun 15% (tres bienios), e a partir deles devengaranse quinquenios dun 7%, sobre o salario base de cada categoría, respectando o tope máximo do 45%.
Este complemento devengará os mesmos días e có salario base.
Artigo 29º.-Complemento de transporte.
Establécese un complemento de transporte lineal de 7.782 ptas., non cotizable, para tódalas categorías, que se devengará en 11 pagas.
Artigo 30º.-Complemento de nocturnidade.
Todo o persoal afecto a este convenio que realice máis da metade da súa xornada laboral diaria entre as 22 e as 6 horas percibirá un complemento de nocturnidade por cada día efectivo de traballo, consistente nun 25% do salario base diario.
Artigo 31º.-Complemento de asiduidade.
Por cantidade e calidade do traballo e por día efectivo de traballo, cada traballador/a recibirá un complemento denominado de asiduidade, que está recollido para cada categoría no anexo I deste convenio.
Artigo 32º.-Complementos tóxicos, penosos ou perigosos.
Todo o persoal afecto ó servicio recibirá un complemento denominado de tóxicos, penosos o perigosos, que consistirá nun 20% do salario base diario, que figura no anexo I deste convenio.
Artigo 33º.-Pagas extraordinarias.
Durante o transcurso do ano percibiranse tres pagas extraordinarias que serán as seguintes:
1. Paga extraordinaria de verán, que se aboará coa mensualidade de xuño e se devengará semestralmente día a día desde o 1 de xaneiro ata o 30 de xuño.
2. Paga de Nadal, que se aboará coa mensualidade de novembro e se devengará semestralmente e día a día, desde o 1 xullo ata o 31 de decembro.
3. Paga de beneficios, que se aboará coa mensualidade de marzo, computándose anualmente día a día, e rateándose naqueles traballadores que non cumprisen o ano na empresa.
Artigo 34º.-Horas extraordinarias.
Acórdase reducir ó mínimo as horas extraordinarias, estas só se realizarán en casos excepcionais, por necesidades perentorias do servicios, danos extraordinarios e urxentes, sendo comunicadas ós representantes dos traballadores e tendo a consideración de horas estructurais, serán aboadas de acordo coa lexislación vixente.
Artigo 35º.-Anticipos.
A empresa porá a disposición dos traballadores cada ano unha cantidade de dous millóns de pesetas, á que se poderán acolle-los traballadores para necesidades urxentes e perentorias e que terán que devolver, sen ningún tipo de gasto para o traballador, nun máximo de doce mensualidades.
O persoal que así o solicite por escrito terá dereito a percibir un anticipo a conta do traballo realizado durante a mensualidade en que se solicita, por importe de ata un 80% do salario devengado.
Os anticipos deberán solicitarse con 24 horas de antelación.
Esta cantidade será distribuída, despois das peticións oportunas, por unha comisión na que estará un representante da empresa e un representante dos traballadores, que será o delegado de persoal. As decisións deberán tomarse por unanimidade.
Artigo 36º.-Pagamento do salario.
O aboamento dos salarios será mensual e o pagamento realizarase mediante transferencia bancaria, para uso a empresa ordenará as ditas transferencias, como límite, antes dos 4 primeiros días do mes posterior ó que corresponda o pagamento.
Outras condicións
Artigo 37º.-Subrogación.
Ó remate, rescisión ou abandono da contrata pola concesionaria neste caso Onyx-Regasa, S.A., tódolos traballadores/as adscritos ó servicio de limpeza viaria e recollida de residuos sólidos do concello de Ribeira, pasarán a ser adscritos á nova empresa titular da dita contrata, respectando os dereitos e con
dicións laborais, económicas e sociais, así como as obrigas que contén este convenio colectivo.
A empresa facilitará toda a documentación e información necesaria para que poida efectuarse esta adscrición coa nova empresa contratista.
Artigo 38º.-Dereitos supletorios.
Nas materias non reguladas no presente convenio aplicarase o disposto na lexislación vixente.
Artigo 39º.-Incrementos salariais.
1. Para o ano 1999.
Apróbase a táboa salarial adxunta como anexo I, que supón unha suba salarial para o ano 1999 dun 3% sobre tódolos conceptos, incluído o complemento de transporte.
Os atrasos devengados no ano 1999 pagaranse nunha soa vez, na nómina que corresponda ó mes en que se asine o convenio.
2. Para o ano 2000 a suba salarial será, para tódolos conceptos, a do persoal funcionario do Concello de Ribeira, sempre e cando esta non sexa inferior ó IPC, en caso contrario a suba será do IPC.
ANEXO I
Salario base TPP C. Transp. C. Asiduid. C. extras Vacacións Nocturn. Total ano
Encargado xeral 193.924 38.785 7.782 15.774 193.924 248.484 3.649.174
Conductor día 87.889 17.578 7.782 15.774 87.889 121.241 1.804.158
Conductor noite 87.889 17.578 7.782 15.774 87.889 121.241 21.972 2.045.852
Peón día 84.003 16.801 7.782 15.774 84.003 116.578 1.736.538
Peón noite 84.003 16.801 7.782 15.774 84.003 116.578 21.001 1.967.546
Nº de veces ano 11 11 11 11 3 1 11 1