En cumprimento do disposto no artigo 59 da Lei 30/1992, do 26 de novembro, de réxime xurídico das adminsitracións públicas e do procedemento administrativo común, e de conformidade co establecido no artigo 30 do texto refundido de VPO, R.D. 2960/1976, do 12 de novembro, e no apartado primeiro do artigo 138 do Regulamento de VPO, Decreto 2114/1968 do 24 de xullo, notifícaselles ós interesados cos datos e domicilio (identificado por nº de expediente e conta) que a continuación se relacionan, os requirimentos de pagamento dos recibos pendentes e que ascenden ás cantidades que se sinalan, facéndolles constar que se irán incorporando ó total da débeda os posteriores vencementos que resulten non pagados e que lles serán reclamados por tódolos medios legais.
Tendo en conta as obrigas dimanantes dos contratos subscritos por vostedes coa Xunta de Galicia e de acordo co establecido no artigo 142 do Regulamento en relación co artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común, concédeselles un prazo de dez días hábiles para que se poñan ó corrente das súas obrigas, ou comparezan na delegación provincial, en trámite de audiencia para os efectos de presenta-los documentos e xustificacións que estimen convenientes no seu dereito.
En caso contrario, procederase á resolución dos seus contratos e iniciación dos oportunos expedientes de desafiuzamento, co conseguinte lanzamento da vivenda, para a súa posterior adxudicación a outro beneficiario, expido, asino e selo esta cédula na Coruña, 16 de setembro de 1999.
Mª Teresa Morán Calero
Xefa da Área Provincial da Coruña
ANEX0
-José A. Serrano Couce e herdeiros.
Expediente C-1-IV/78-1 (Desafiuzamento F.P. 316/1999).
Conta: 170.
R/ Pardo Bazán, bloque 47, P-50, 1ºD (Ferrol).
Importe débeda: 487.527 ptas.
Data de notificación: 30-7-1999 e 2-8-1999.
-Manuel de la Fuente Rozadas e herdeiros.
Expediente C-1-IV/78-1 (Desafiuzamento F.P. 318/1999).
Conta: 209.
R/ Emilia Pardo Bazán, bloque 47, P-56, baixo A (Ferrol).
Importe débeda: 225.630 ptas.
Data de notificación: 28-7-1999 e 30-7-1999.