Aprobado definitivamente pola Comisión Provincial de Urbanismo, con data do 22 de setembro de 1994, o Plan Parcial do Parque Empresarial de Tui (Pontevedra), que segundo o disposto no artigo 33 da Lei 6/1998, do 13 de abril, implica a declaración de utilidade pública e a necesidade de ocupación dos terros e edificacións correspondentes para os efectos de expropiación forzosa.

Por Resolución do 27 de xullo de 1999 someteuse a información pública por 15 días a relación de propietarios e titulares dos bens e dereitos que se precisan ocupar para a execución do mencionado parque empresarial, de conformidade cos artigos 199 e seguintes do Real decreto 3288/1978, do 25 de agosto, polo que se aprobou o Regulamento de xestión urbanística, en relación cos artigos 17 e seguintes da Lei de expropiación forzosa do 16 de decembro de 1954. Unha vez estudiadas as alegacións pre

sentadas, procedeuse á elaboración do proxecto de expropiación polo procedemento de taxación conxunta conforme o establecido no artigo 145 da Lei 1/1997, do 24 de marzo, do solo de Galicia.

De conformidade co previsto no artigo 145.2º da devandita lei, sométese a información pública polo prazo dun mes o expediente expropiatorio dos bens e dereitos que se precisan ocupar para a execución do parque empresarial de Tui. Así mesmo, as taxacións notificaranse individualmente ós que aparecen como titulares de bens e dereitos no expediente.

O expediente estará exposto no Concello de Tui e na Delegación Provincial do Instituto Galego da Vivenda e Solo en Pontevedra, para información pública durante o prazo dun mes, contado a partir da publicación desta resolución no Diario Oficial de Galicia. Durante o dito prazo, todas aquelas persoas ou entidades que se consideren afectadas poderán presenta-las alegacións que consideren oportunas, por triplicado exemplar, na Delegación Provincial do Instituto Galego da Vivenda e Solo, sita na rúa Alcalde Hevia, s/n, en Pontevedra.

Santiago de Compostela, 4 de outubro de 1999.

José Antonio Redondo López

Director xeral do Instituto Galego

da Vivenda e Solo

Relación de bens e dereitos afectados polo parque empresarial de Tui