O Consello da Xerencia Municipal de Urbanismo do Concello de Vigo, en sesión do día 16 de setembro de 1999, acordou aprobar inicialmente o expediente de modificación puntual do Plan especial e catálogo complementario de edificios, conxuntos e elementos para conservar de Vigo, no cuarteirón nº 28, co contido que na memoria se especifica: modificación das aliñacións interiores do cuarteirón nº 28 catalogado como API no proxecto de urbanización e modificación das fichas dos edificios situados na rúa Policarpo Sanz nº 24-26 e Velázquez Moreno nº 18-20 para a súa rehabilitación como Centro Cultural Caixa Vigo, conforme a memoria e documentación elaborada polo arquitecto municipal adscrito á oficina de Planeamento e Xestión da Xerencia de Urbanismo, de setembro de 1999, someténdoo a información pública na forma prevista no artigo 42 da Lei 1/1997, do 24 de marzo, do solo de Galicia, e con notificación individual ós propietarios afectados.

Así mesmo acordou, de conformidade co artigo 34 da Lei 1/1997, do 24 de marzo, do solo de Galicia, suspende-lo procedemento de outorgamento de licencias de parcelación, edificación e derruba nas zonas ocupadas polos edificios nº 23 da rúa do Príncipe, 24-26 da rúa Policarpo Sanz e 18-20 da rúa Velázquez Moreno.

Por medio deste anuncio sométese a información pública o devandito expediente mediante a inserción deste no DOG e nun dos xornais de maior circulación da provincia, significando que o prazo de información pública é dun mes e que se entenderá aberto desde o día da publicación do primeiro anuncio ata transcorrido un mes desde o último, co fin de que calquera interesado e público en xeral presenten as alegacións ou documentos que consideren convenientes. O expediente atópase na oficina de Información da Xerencia Municipal de Urbanismo (planta baixa do edificio da Xerencia, Praza do Rei, esquina rúa Cachamuíña) á disposición do público en xeral.

De conformidade co artigo 42.6º da Lei 1/1997, do 24 de marzo, do solo de Galicia, por medio deste anuncio e publicación no taboleiro de edictos do concello, notifícaselle-lo acordo que nel se contén a tódolos propietarios afectados descoñecidos, de ignorado domicilio, respecto dos cales non se puido practica-la notificación intentada.

Vigo, 27 de setembro de 1999.

Xabier Toba Girón

Vicepresidente da Xerencia

Municipal de Urbanismo