Aprobado pola Comisión de Goberno o prego de cláusulas económico-administrativas para a contratación, por concurso, do servicio de conserxería do CPI Domingo Fontán, exponse ó público polo prazo de catro días contados a partir do seguinte ó da súa publicación no BOP ou no DOG último no que se publique.
Así mesmo, anúnciase concurso público aínda que a licitación se aprazará no suposto de que se presenten reclamacións contra el.
1. Obxecto do contrato: contratación do servicio de conserxería do CPI Domingo Fontán.
2. Prezo de licitación: 1.405.000 ptas. anuais (incluído o IVE).
3. Prazo de execución: un ano, prorrogable a un máximo de catro.
4. Tramitación, procedemento e forma de adxudicación:
Tramitación: urxente.
Procedemento: aberto.
Forma: concurso.
5. Garantías:
Provisional: 2% do tipo de licitación.
Definitiva: 4% do prezo de adxudicación.
6. Presentación de proposicións: durante os 13 días naturais seguintes ó da publicación do último anuncio de licitación no BOP ou no Diario Oficial de Galicia, das 9 ás 13 horas. A documentación que hai que presentar é a que figura no prego de condicións.
7. Modelo de proposición: o contido no prego de cláusulas.
8. Apertura de plicas: no salón de sesións do concello, ás 13 horas do seguinte día hábil ó do remate do prazo da presentación das proposicións. No caso de coincidir en sábado, trasladarase ó seguinte día hábil.
9. Gastos do anuncio: serán por conta do adxudicatario.
Portas, 2 de setembro de 1999.
O alcalde
Rubricado