En comprimento do acordado polo Pleno da Corporación, do día 25 de marzo de 1999, no que se aprobou o texto íntegro das bases xerais e específicas da convocatoria pública para a provisión de prazas vacantes existentes no cadro de personal e contidas na oferta de emprego público de 1999, e no exercicio das atribucións conferidas á alcaldía polo artigo 41.14º a) do Real decreto 2586/1986, do 28 de novembro, polo que se aproba o Regulamento de organización, funcionamento e réxime xurídico das entidades locais, dispoño a publicación da convocatoria pública de probas selectivas para a provisión das seguintes prazas vacantes reservadas a funcionarios e contidas na oferta de emprego público de 1999:

1 de técnico superior da escala de Administración especial, subescala técnica, integrada no grupo A. Denominación: arquitecto.

1 de técnico medio da escala de Administración especial, subescala técnica, integrada no grupo B. Denominación: arquitecto técnico (aparellador).

1 de técnico auxiliar, da escala de Administración especial, subescala técnica, integrada no grupo C. Denominación: delineante.

1 de auxiliar da escala de Administración xeral, subescala auxiliar, integrada no grupo D.

1 de técnico cultural da escala de Administración especial, subescala de servicios especiais, clase cometidos especiais, integrada no grupo A.

1 de sarxento da policía local da escala de Administración especial, subescala de servicios especiais, clase policía local, integrada no grupo C.

8 de garda da policía local da escala de Administración especial, subescala de servicios especiais, clase policía local, integrada no grupo D.

1 de vixilante de edificios e dependencias da escala de Administración especial, subescala de servicios especiais, clase cometidos especiais, integrada no grupo E.

1 de mestre electricista, da escala de Administración especial, subescala servicios especiais, clase persoal de oficios, integrada no grupo D.

2 de operario de servicios varios da escala de Administración especial, subescala de servicios especiais, clase persoal de oficios, integrada no grupo E.

As probas selectivas convocadas rexeranse polas bases xerais e específicas nas que se sinalan os

requisitos para o ingreso e os procedementos de selección, texto que se publicou no BOP número 98, correspondente ó día 26 de maio de 1999 e a corrección de erros publicada no número 124 do día 1 de xullo de 1999, computándose o prazo de 20 días naturais para a presentación de instancias a partir da publicación da convocatoria no Boletín Oficial del Estado.

O que se fai público para xeral coñecemento e efectos pertinentes.

Pontevedra, 14 de setembro de 1999.

Miguel Anxo Fernández Lores

Alcalde