Dentro dos programas de actividades que a Academia Galega de Seguridade ten previsto realizar no ano 1999 de forma descentralizada, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dun curso sobre O dereito sancionatorio en Galicia, que deberá desenvolverse conforme as seguintes bases:
Obxectivos.
O curso ten por obxectivo principal dá-los coñecementos necesarios nesta materia para que os seus destinatarios poidan desenvolve-lo seu labor profesional con maior eficacia.
Destinatarios.
O curso vai dirixido ós membros dos corpos das policías locais de Galicia, membros da unidade do C.N.P. adscrita á Comunidade Autónoma de Galicia; membros do Corpo Nacional de Policía e Garda Civil encargados da tramitación de expedientes administrativo-sancionadores; e tamén a persoal de inspección pesqueira da Consellería de Pesca e Marisqueo e personal funcionarial encargado da tramitación de expedientes sancionadores da Consellería de Xustiza, Interior e Relacións Laborais e da Consellería de Medio Ambiente da Xunta de Galicia.
Inscrición.
A inscrición dos participantes será totalmente gratuíta.
Prazas.
O número de prazas que se ofertarán en cada curso será de 27.
Solicitudes.
1. O persoal que desexe participar nestes cursos deberá presentar cuberta á máquina ou con letra moi clara a instancia que figura no anexo.
2. O prazo para a presentación de instancias rematará o día 15 de outubro, ás 14 horas.
3. As instancias deberán vir asinadas polo xefe do cadro de persoal, ou polo concelleiro de tráfico e seladas; será isto requisito indispensable para ser admitido no curso, o incumprimento deste requisito levará á exclusión do devandito curso.
4. As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido e duración.
O curso celebrarase en sesións de tarde, de luns a venres, e nel trataranse os seguintes módulos: 1. Introducción. 2. O réxime administrativo-sancionador. 3. O control xurisdiccional da potestade sancionatoria.
Datas.
O curso celebrarase do 25 ó 29 de outubro e do 2 ó 5 de novembro.
O horario será de 16.30 a 20.30 horas do serán.
Relación de admitidos.
A relación de admitidos publicarase o día 19 de outubro no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.
Lugar.
O curso desenvolverase na sede da Academia Galega de Seguridade, sita na avenida da Cultura, s/n, no concello da Estrada.
Certificado de asistencia.
Ó remate de cada curso entregaráselles un certificado de asistencia a aquelas persoas que acrediten a súa participación continuada ó mesmo.
Modificacións.
A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.
A Estrada, 13 de setembro de 1999.
Juan José Fariñas-Ferro Rodríguez
Director xeral da Academia Galega
de Seguridade