A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado, sitas no seu territorio.

Os acordos do Consello da Xunta de Galicia do 5 e 26 de marzo de 1998 facultan o conselleiro de Política Territorial, Obras Públicas e Vivenda para o exercicio das devanditas competencias.

Conforme o previsto no artigo 40 da Lei de portos do Estado e da mariña mercante, texto reformado pola Lei 62/1997, do 26 de decembro, disponse que a separación dos vocais do Consello de Administración será acordada polo órgano competente da Comunidade Autónoma por proposta das organizacións, organismos e entidades ós que aqueles representen, polo que, recibida certificación do acordo do pleno, do 26 de xullo de 1999, do Concello de Marín, polo que se nomean novos representantes do dito concello na Autoridade Portuaria de Marín-Pontevedra, en canto órgano competente,

DISPOÑO:

Que cese Augusto Casal Sánchez, como vocal do Consello de Administración da Autoridade Portuaria de Marín-Pontevedra, en representación do Concello de Marín, agradecéndolle os servicios prestados.

Que cese Antón Martínez Arias, como vocal do Consello de Administración da Autoridade Portuaria

de Marín-Pontevedra, en representación do Concello de Marín, agradecéndolle os servicios prestados.

Santiago de Compostela, 20 de setembro de 1999.

José Cuíña Crespo

Conselleiro de Política Territorial, Obras Públicas e Vivenda