A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado, sitas no seu territorio.
Os acordos do Consello da Xunta de Galicia do 5 e 26 de marzo de 1998 facultan o conselleiro de Política Territorial, Obras Públicas e Vivenda para o exercicio das devanditas competencias.
Conforme o previsto no artigo 40 da Lei de portos do Estado e da mariña mercante, texto reformado pola Lei 62/1997, do 26 de decembro, disponse que a separación dos vocais do Consello de Administración será acordada polo órgano competente da Comunidade Autónoma por proposta das organizacións, organismos e entidades ós que aqueles representen, polo que, recibida comunicación sobre o acordo do pleno, do 29 de xullo de 1999, do Concello de Vilagarcía de Arousa, polo que se nomean novos representantes do dito concello na Autoridade Portuaria de Vilagarcía de Arousa, en canto órgano competente,
DISPOÑO:
Que cese Xurxo Carlos Abuín Rodríguez, como vocal do Consello de Administración da Autoridade Portuaria de Vilagarcía de Arousa, en representación do Concello de Vilagarcía de Arousa, agradecéndolle os servicios prestados.
Que cese Carlos Xesús Berride Ferreira, como vocal do Consello de Administración da Autoridade Portuaria de Vilagarcía de Arousa, en representación do Concello de Vilagarcía de Arousa, agradecéndolle os servicios prestados.
Que cese Camilo Vázquez Guerra, como vocal do Consello de Administración da Autoridade Portuaria de Vilagarcía de Arousa, en representación do Concello de Vilagarcía de Arousa, agradecéndolle os servicios prestados.
Santiago de Compostela, 20 de setembro de 1999.
José Cuíña Crespo
Conselleiro de Política Territorial, Obras Públicas e Vivenda