Por Orde do 2 de setembro de 1999 disponse o cumprimento da sentencia número 463/1999, dictada polo Tribunal Superior de Xustiza de Galicia.
En execución da dita sentencia é necesario modificar parcialmente o anexo da Orde do 27 de xullo de 1995, pola que se fai pública a lista dos opositores que superaron o procedemento selectivo convocado pola Orde do 8 de xuño de 1994, para ingreso no corpo de profesores de música e artes escénicas.
Na súa virtude, a Consellería de Educación e Ordenación Universitaria
DISPÓN:
Primeiro.-Incorporar a Carlos Castro Roig, con DNI 32.756.238, á relación dos opositores que superaron o procedemento selectivo convocado pola Orde do 8 de xuño de 1994, no corpo de profesores de música e artes escénicas, na especialidade de percusión.
Segundo.-Nomear a Carlos Castro Roig funcionario en prácticas do corpo de profesores de música e artes escénicas, na especialidade de percusión.
Santiago de Compostela, 3 de setembro de 1999.
Celso Currás Fernández
Conselleiro de Educación e Ordenación
Universitaria