DOG 181 do 17/09/1999 - RESOLUCIÓN do 10 de setembro de 1999 pola que se anuncia a convocatoria dun concurso público aberto, con tramitación urxente, para a contratación dunha consultoría e asistencia para a elaboración de dous modelos para reproduci-lo comportamento global do sistema socioeconómico de Galicia e para a previsión a curto prazo das variables fundamentais da economía galega.

VI. ANUNCIOS

DA ADMINISTRACIÓN AUTONÓMICA

INSTITUTO GALEGO DE ESTATÍSTICA

RESOLUCIÓN do 10 de setembro de 1999 pola que se anuncia a convocatoria dun concurso público aberto, con tramitación urxente, para a contratación dunha consultoría e asistencia para a elaboración de dous modelos para reproduci-lo comportamento global do sistema socioeconómico de Galicia e para a previsión a curto prazo das variables fundamentais da economía galega.

En virtude das facultades conferidas na vixente normativa de contratación, anúnciase a licitación dun contrato de consultoría e asistencia, suxeito ás seguintes bases:

1. Entidade adxudicadora:

a) Organismo: Instituto Galego de Estatística.

b) Dependencia que tramita o expediente: Servicio de Xestión Económica-Administrativa.

c) Nº de expediente: 640.0/01.

2. Obxecto do contrato:

a) Descrición do obxecto: elaboración de dous modelos para reproduci-lo comportamento global do sistema socioeconómico de Galicia e para a previsión a curto prazo das variables fundamentais da economía galega.

b) Prazo de execución: 13 meses e seguindo o calendario establecido no punto 4 do prego de prescricións técnicas.

3. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso público.

4. Orzamento base de licitación:

-Importe total: 26.000.000 de pesetas (156.263,15 euros).

5. Garantía provisional: 520.000 pesetas (3.125,26 euros).

6. Obtención de documentación e información: poderán retirala no Negociado do Rexistro do IGE, r/ Ramón Piñeiro, nº 27, Santiago de Compostela. CP 15702. Tlf.: 981 54 13 21 e fax: 981 54 13 23.

7. Requisitos específicos do contratista:

a) Clasificación: non se esixe.

b) Outros requisitos: os especificados no prego de cláusulas administrativas particulares.

8. Presentación de ofertas: presentaranse, de conformidade co previsto no prego de cláusulas administrativas particulares, no prazo de 13 días naturais contados a partir do seguinte ó da publicación do presente anuncio no DOG, no rexistro do IGE en horario de 9 a 14 h, ou ben na forma prevista no artigo 100 do Regulamento xeral de contratación do Estado.

9. Apertura das ofertas: o noveno día seguinte ó do remate de presentación de proposicións, ás 12 h nas dependencias do IGE; en caso de cadrar en sábado, a apertura terá lugar o día hábil seguinte.

O importe do presente anuncio será por conta da empresa adxudicataria.

Santiago de Compostela, 10 de setembro de 1999.

José Antonio Campo Andión

Director do Instituto Galego de Estatística