Expediente 56/1999.
1. Obxecto: subministración sucesiva de material para incontinencia, compresas e gasa hemostática.
2. Orzamento: 31.510.311 ptas., IVE incluído.
Expediente 57/1999.
1. Obxecto: subministración sucesiva de guantes.
2. Orzamento: 20.382.450 ptas., IVE incluído.
Condicións que rexerán os expedientes (do punto 3 o 15).
3. Prazo de execución: doce meses desde a data de formalización do contrato.
4. Admisión de variantes: admitiranse como máximo unha variante por artigo.
5. Garantía provisional: 2% do orzamento de licitación de cada un dos lotes ós que se licite.
6. Forma de adxudicación: concurso público, procedemento aberto e tramitación ordinaria.
7. Clasificación: non se esixe.
8. Solvencia económica e financeira: acretitarase por calquera dos medios previstos no artigo 16 da Lei de contratos das administracións públicas (Lei 13/1995, do 18 de maio, BOE nº 119, do 19 de maio).
9. Solvencia técnica: acreditarase por calquera dos medios previstos no artigo 17 da Lei 13/1995, do 18 de maio, dos contratos das administracións públicas. (BOE nº 119, do 19 de maio).
10. Criterios de adxudicación:
Ver folla de especificacións (punto 7).
11. Documentación: o prego de cláusulas administrativas particulares e demais documentación complementaria pódese solicitar no Servicio de Subministracións do Complexo Hospitalario Xeral-Cíes, rúa Pizarro, 22, 36204 Vigo, en días laborais desde as 9 ata as 14 horas o teléfono 986 81 60 23 e fax 986 81 60 65.
12. Prazo de presentación de proposicións: as proposicións deberanse presentar en man, no rexistro xeral do Complexo Hospitalario Xeral-Cíes, antes das 14 horas do vixésimo sexto día natural contado a partir do seguinte o da publicación desta resolución no Diario Oficial de Galicia, ou por correo na forma indicada no artigo 100 do Regulamento xeral de contratación do Estado.
13. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal e referencias técnicas, descritas no PCAP.
14. Apertura de proposicións: a apertura das proposicións admitidas realizarase pola mesa de contratación, reunida en acto público, na sala de xuntas do hospital xeral as 9 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que coincida en sábado ou festivo, a apertura das proposicións terá lugar no día hábil seguinte.
15. Anuncios: o importe do anuncio dos presentes concursos públicos será por conta dos adxudicatarios dos contratos.
Vigo, 20 de agosto de 1999.
José Manuel González Álvarez
Director xerente do Complexo Hospitalario
Xeral-Cíes de Vigo