Aprobada polo alcalde deste concello a separata do proxecto e o prego de condicións económico-administrativas que rexerá no concurso por procedemento aberto (tramitación urxente) da obra que no punto 2 se indica, expóñense ó público polo prazo dos oito primeiros días naturais seguintes ó da derradeira publicación deste anuncio no Diario Oficial de Galicia e no BOP. Simultaneamente anúnciase o concurso para a presentación de propostas, podendo aprazarse a licitación no caso de que se formulen reclamacións contra o proxecto ou o prego.

1. Entidade adxudicadora.

Organismo: Alcaldía.

Dependencia: Secretaría.

2. Obxecto do contrato: reforma interior e ampliación da Casa do Concello de Tomiño (4ª fase) cun orzamento de 20.000.000 de ptas. e un prazo de execución de 12 meses.

3. Tramitación, procedemento e forma de adxudicación.

Tramitación: urxente.

Procedemento: aberto.

Forma: concurso.

4. Orzamento da licitación e criterios de selección: os indicados no punto dous (non se admiten baixas) e os criterios sinalados no prego.

5. Garantías.

Provisional: 400.000 ptas.

Definitiva: 800.000 ptas.

6. Obtención da documentación e información: Secretaría do Concello, praza de Calvo Sotelo, 36740 Tomiño; teléfono: 986 62 20 01 / fax: 986 62 25 30, ata o día anterior ó do remate de presentación de proposicións.

7. Requisitos específicos do contratista.

Clasificación: grupo: C, subgrupos: 4, 6, 8, 9, categoría: B e os restantes especificados no prego.

8. Presentación das ofertas.

Prazo: 13 días naturais seguintes ó da publicación do derradeiro anuncio de licitación no BOP de Pontevedra e no Diario Oficial de Galicia (DOG).

Documentación: a esixida no prego.

Lugar de presentación: rexistro xeral do Concello de Tomiño, das nove ás catorce horas.

9. Prazo de vixencia das ofertas: 3 meses contados desde o día da apertura de proposicións.

10. Apertura de ofertas: nun prazo máximo de 7 días naturais seguintes á data da apertura da documentación xeral dos sobres B e, anunciarase, polo menos 48 horas antes da súa realización, cun edicto no taboleiro de anuncios do concello.

11. Gastos: serán por conta do adxudicatario os seguintes gastos:

-Os dos anuncios de licitación e adxudicación.

-O importe da redacción da separata.

-Os tributos que deriven do contrato.

-O pagamento do IVE pola totalidade da obra, e que se entenderá incluído no prezo do contrato.

-Os da formalización pública do contrato.

Tomiño, 6 de setembro de 1999.

José Luis Fernández Lorenzo

Alcalde