En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.
Na súa virtude,
RESOLVO:
1. Someter a información pública, o estudio de efectos ambientais do proxecto de explotación e restauración da canteira Vilar de Lor, situada no termo municipal de Quiroga, provincia de Lugo e promovida por Pizarras Herpri, S.L.
2. Para os devanditos efectos informativos, poranse á disposición dos administrados exemplares nas seguintes dependencias:
* Dirección Xeral de Calidade e Avaliación Ambiental.
* Delegación Provincial da Consellería de Medio Ambiente da provincia de Lugo.
* Concello de Quiroga.
3. As alegacións formularanse durante o dito prazo de vinte días, contado a partir do día seguinte á publicación da presente resolución no Diario Oficial de Galicia.
Santiago de Compostela, 4 de agosto de 1999.
Francisco Pan-Montojo González
Director xeral de Calidade
e Avaliación Ambiental