Vista a acta da reunión da comisión negociadora do convenio colectivo da empresa Frigoríficos de Galicia, S.A. - Frigalsa, que tivo entrada nesta delegación provincial con data do 23 de xullo de 1999, subscrita por unha representación empresarial e polo comité de empresa, na que se acordou a modificación dos artigos 11 e 14 do devandito convenio, así como a táboa salarial para 1999 (consonte co establecido no artigo 3 do citado convenio), esta autoridade laboral, ó abeiro do disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, no Real decreto 1040/1981,

do 22 de maio, sobre rexistro e depósito de convenios colectivos de traballo e no Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, sta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, desta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 27 de xullo de 1999.

Antonio Coello Bufill

Delegado provincial de Pontevedra

Anexo convenio colectivo 1999

Mantense en vigor todo o texto do convenio colectivo para 1998, agás nos seguintes artigos:

Artigo 11º.-Complemento de transporte e distancia.

Establécese un complemento de transporte e distancia na contía total de 192 pesetas por un día efectivo de traballo.

Artigo 14º.-Valor das horas extraordinarias.

O valor de cada hora extraordinaria será de 1.308 ptas., agás as traballadas en sábados e festivos que serán de 2.401 ptas. A partir das 22 horas, as horas extraordinarias terán un valor de 3.002 ptas., nos sábados e festivos, e de 1.636 ptas. nos restantes días.

Vigo, xullo 1999.

Anexo convenio 1999

Táboa salarial