De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-la proposta de resolución do procedemento sancionador que se instrúe por infracción á Lei 4/1997, de caza de Galicia, do 25 de xuño (DOG do 11 de xullo).

O pagamento voluntario poñerá fin ó expediente, de non efectualo voluntariamente, dispoñen os interesados dun prazo de quince (15) días, contados a partir do seguinte ó de publicación desta notificación, para formular cantas alegacións consideren pertinentes.

O que se lles comunica de acordo coa normativa antes citada, así como co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto) e no Decreto 482/1997, do 30 de decembro (DOG do 8-1-1998), polo que se establece a estructura orgánica da Consellería de Medio Ambiente.

Lugo, 21 de xullo de 1999.

Luis González Vázquez

Delegado provincial de Lugo

ANEXO

-Expediente: C-86/98.

Denunciado: José Antonio Tella Seijas.

DNI: 33.331.872.

Enderezo: r/ Monforte, 16-3º Esq., Lugo.

Feito denunciado: levar medios para a caza (escopeta cargada cun cartucho na recámara e dous no depósito) nun vehículo marca Renault, modelo Megane, matrícula LU-5400-U en horas prohibidas (as 3 h da madrugada). Feitos constados o día 21-11-1998 na Pista Pastorizal da Meda, couto de caza LU-10.295. Castroverde.

Precepto sancionador: 58.1º da Lei 4/1997.

Sanción: 200.000 pesetas de multa.

Inhabilitación para practica-lo deporte da caza e para obte-la licencia por un período de dous anos.