Declarados de urxente ocupación os bens e dereitos afectados pola instalación da liña eléctrica aérea a 15/20 kV con orixe no apoio nº 45 da liña Campelo-Campo do Mouro e final no centro de transformación do lugar de Riaña, do termo municipal de Valdoviño (expediente nº 177/1998) por resolución desta delegación provincial do 20 de maio de 1999, a favor da entidade beneficiaria Unión Eléctrica-Fenosa, S.A. con domicilio en Avda. de Arteixo, nº 171, 15007 da Coruña.

Esta delegación acorda sinala-lo día 10 de setembro de 1999 para o levantamento das actas previas á ocupación de, conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957, nas que se describirán os bens e dereitos expropiables e de imposición de servidume de paso de enerxía eléctrica contidos na relación de predios que se expón xunto con esta resolución no taboleiro de edictos da Casa do Concello de Valdoviño, dedu

cida da que que se someteu a información pública no DOG do 1 de xullo e no BOP do 18 de xuño, e no xornal El Ideal Gallego do 9-6-1998, acto ó que deberán concorre-los propietarios propostos dos predios afectados, ós que se lles practicará notificación individual sinalándoselle-los horarios de toma de datos sobre o terreo e do levantamento efectivo das actas nas oficinas da referida casa do concello.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 6 de agosto de 1999.

Manuel Estévez Mengotti

Delegado provincial da Coruña en funcións