Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Eléctrica-Fenosa, S.A.
Domicilio social: Avda. de Arteixo, 171, 15000 A Coruña.
Denominación: ampliación da subestación eléctrica de Cabana.
Situación: Cabana.
Características técnicas:
-Ampliación da subestación eléctrica de Cabana, implantando un novo módulo de liña en 66 kV, para conexión do parque eólico de Corme, constituído por:
-Interruptor tripolar en SF6 de 1.250 A.
-Seccionador tripolar de barras de 1.250 A.
-Tres transformadores de tensión e outros tres de intensidade.
-Seccionador tripolar de posta a terra.
-Equipos para mando, control, sinalización e medida.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 28 de xullo de 1999.
Manuel Estévez Mengotti
Delegado provincial da Coruña en funcións