Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Eléctrica-Fenosa, S.A.
Domicilio social: Avda. de Arteixo, 171, 15000 A Coruña.
Denominación: L.M.T.S., C.T. estrada de Fontán, 7.
Situación: Sada.
Características técnicas: liña eléctrica subterránea de media tensión, a 15 kV, baixo tubo e con conductor R.H.V.-12/20 kV de 3 (1x240) mm Al de 182 m de lonxitude, con orixe na liña C.T. Porto Deportivo - C.T. Fronte de Xuventudes e remate no C.T. estrada de Fontán, nº 7, que se vai instalar. Centro de transformación en caseta prefabricada, de 250 kVA e tensións de 250/0,380-0,220 kV na estrada de Fontán, nº 7, do que parte rede de baixa tensión subterránea, en conductor R.V. de 15 m de lonxitude. Sada.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 27 de xullo de 1999.
Francisco Fernández Pérez
Delegado provincial da Coruña en funcións