Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita:
Solicitante: Unión Eléctrica-Fenosa, S.A.
Domicilio social: Avda. de Arteixo, 171, 15000 A Coruña.
Denominación: L.M.T., C.T. e R.B.T. Raindo-Piñeiro.
Situación: Trazo.
Características técnicas: liña eléctrica aérea de media tensión a 20 kV, sobre apoios de formigón e con conductor LA-56, de 448 m de lonxitude, con orixe na liña que alimenta o C.T. Viaño Pequeno (expediente 2495) e remate no C.T. Piñeiro, que se vai instalar. Centro de transformación, tipo intemperie de 50 kVA e tensións de 15/0,380-0,220 kV, en Piñeiro, do que parte rede de baixa tensión, sobre apoios de formigón e conductor R.Z., de 960 m de lonxitude, discorrendo polo lugar. Trazo.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 22 de xullo de 1999.
Jesús Espada Martínez
Delegado provincial da Coruña