De conformidade co disposto polo artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselles ás persoas que nos anexos se mencionan a incoación de expediente sancionador por presuntas infraccións á Lei 4/1997, do 25 de xuño, de caza de Galicia (Diario Oficial de Galicia nº 33, do 11-7-1997).
Noméase instructora dos expedientes a Miriam López Areal, funcionaria desta delegación; o réxime de recusación é o establecido nos artigos 28 e 29 da Lei 30/1992.
Para os efectos previstos na Lei de réxime xurídico das administración públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para que poidan examina-los expedientes nesta delegación provincial, sita na rúa do Paseo, 18-5º, formular alegacións, achega-los documentos que consideren convenientes na súa defensa e propoñer probas concretando os medios de que pretendan valerse.
De non efectuaren ningunha alegación no prazo fixado, este acordo de incoación poderá ser considerado proposta de resolución, conforme o establecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto.
Ourense, 29 de xuño de 1999.
Agustín Prado Verdeal
Delegado provincial de Ourense
ANEXO
Expediente: OU 195/98C.
Denunciado: José Rodíguez Gómez.
DNI: 34.607.078.
Derradeiro enderezo coñecido: Paseo Marítimo, 6-5º D (A Coruña).
Feito denunciado: cazar non sendo titular de licencia e sen ter contratado o seguro obrigatorio. Estar en posesión de munición non permitida para a modalidade de caza.
Precepto infrinxido e sancionador: artigo 58.2º e 58.31º, e artigo 57.23º da Lei de caza de Galicia.
Sanción: 175.000 pesetas e inhabilitación durante un ano e un día para obte-la licencia.