Resolución da Comisión de Goberno pola que se fai público que, ó abeiro do disposto no artigo 42 da Lei 1/1997, do 24 de marzo, do solo de Galicia, que aprobado na sesión plenaria do día 5 de xuño de 1999, con carácter inicial, o Plan xeral de ordenación municipal do Concello de Santa Comba, co obxecto de dar unha maior participación a tódolos veciños do municipio, se poidan estudiar máis detidamente e con detalle os traballos presentados, prorrógase o período de información pública por prazo de 10 días contados a partir do día seguinte ó da publicación deste anuncio no Diario Oficial de Galicia, para os efectos de que se poidan efectua-las alegacións que se consideren convenientes.

Simultaneamente, e ó abeiro do artigo 34.2º do citado texto legal, comunícase que tódalas áreas do territorio municipal, ó se teren modificado as determinacións do réxime urbanístico, quedan afectadas pola suspensión de licencias a que se refire o artigo 34.1º da citada lei 1/1997, do 24 de marzo, do solo de Galicia.

O expediente poderá examinarse no Centro Municipal de Cultura, en horario de 10 a 13.30 horas, de luns a venres. Os servicios técnicos municipais de urbanismo atenderán o público:

Días: luns/xoves.

Lugar: Centro Municipal de Cultura.

Horario: 10 a 13.30 horas.

Santa Comba, 13 de agosto de 1999.

Francisco Basilio Quintás Fernández

Alcalde accidental